Kəfwaʼ 26:13 - Kaa n Kəzə̀ n fəghə mə

¹³ Â loʼ n fəŋ ə tsə̀ tə sa a Mbee, nghee a ndownə n jii, mə n koʼ daa kə nuu baŋ shi tsu bənə n bikighow, nə kə baŋ tsəghəshi tsə̀, baŋ ngəə tsəghə bə dəŋə key mə â loʼnə tii ghi ghə̂ ghey mə â dzəŋi ndownə ghi ghə.

Kəfwaʼ 26:13 Mawu Ofanana

Matyo 17:2

Sey wû u Yeso wə n kweyyə kɔʼ n sə kə ghə, tûm usə̂ u wi wə n nyiələ tə̀ a loʼ tsə̀, ndzə̂ tə wi tə n fə̀mmə fùŋ tə a loʼ kədzəd.

Kəfwaʼ 22:6

Pɔl n ndow n sə kə dza nə̀, “Nghee n ndownə, nə n sə kuʼlə ndow n Damaskus n fə̀ŋ ə tsə tə, daa kə loʼ kə n gbələ baŋ shi tsu bə sa n bikighow n dəŋə key mə â loʼnə tii.

Kəfwaʼ 22:9

Ghə̂ ghey mə â loʼ dzəŋi ghi ghə adzəm n koʼ daa kə tii kə, ghə n ka kee zow dzə̀ zey i ghɔɔmə bənə tə mə.

Kəfwaʼ 26:12

Pɔl n ndow n sə kə dza nə̀, “Â wən loʼ moʼlə zey mə â khənə n fə̀ŋ nghee n ndownə n Damaskus n daʼa key ghə fɔɔngili a nii ghə â fuunə tə mə.

Kəfwaʼ 26:14

Ghey adzəm n dzəŋi bwu tsu ndow aghəd, mə n zow ndow dzə̂ i loʼ zə i ghɔɔmə bənə tə mə n ghɔɔmə i Hibru nə̀, ‘Sɔl, Sɔl, a loʼ kee wə chɔdlɔnə mə ə? Wə tsəmə maŋa fəmmə soʼo wû wə kənunu dza nə̀ wə chɔdlɔ mə.’

Kəfwaʼ 9:3

Ambə Sɔl kuʼlə ndownə n Damaskus, tsə i loʼ zə n gbələ mwàa shi tsu bə n bikighow, baŋ tsəghə ndow n luʼu key tə â loʼnə tii.

Chi dii 1:16

Tə n khə nsəghəbələ nsəghəmbəghə n wɔɔ kə wi kə zəə kə. Kɔb nə̀ i tɔbə badla təbəghə, zə n shi bə n dzuu i wi. Tum-usə̂ u wi wə n nyiəllə tə aloʼ mgbala kə tsə.

Chi dii 21:23

Inyi nsə ndzɔŋ khə way fwaʼ kə loʼ kə fu inaʼ, n təŋkey, daa kən kə baŋa shiə bənə n kow Zə̀ kə baŋa fu inaʼ, Waa Nji zey u loʼ soʼonə daa kə naʼ i tii zə.