Kəfwaʼ 24:16 - Kaa n Kəzə̀ n fəghə mə

¹⁶ À wən loʼ ghə i tii zə n dəmənə nə̀ fə̀ŋ zuŋ i zow n sə̂ K-a-zə̀ nsə n sə kə aghə̂.

Kəfwaʼ 24:16 Mawu Ofanana

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Roma 2:15

Ghəə ghey ghə ghəŋŋənə dii bənu nə̀ ghəə ghey laŋ kə diinə, loʼnu n fə̀ŋ tə ghə. Fə̀ŋ tə ghə tə dii soʼonu nə̀ ghə khənu laŋ K-a-zə̀ kə n təŋkey, fə̀ŋ tə ghə tə diinu n nəŋə zey ghə ghəŋə dzɔb tsunə, tə n dii soʼo n nəŋə zey ghə ghəŋə bəəbə tsunə.

Roma 9:1

Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 4:4

N way ni moʼlə dzə ghə i loʼ zə n loʼ nə̀ mə n ghəŋə bəəbə. I zən kee dii dzə way nə̀ n khə way bəb i loʼ zə. À may kə Mûkəbii tə i saʼanə mə, tə dza nə̀ n khənu bəb zə mɔ n khə way ə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

1 Tesalonika 2:10

Ghaa loʼ ghə təmi tiilə n tow u ghey, tə̀ Zə̀ kə loʼ soʼonə ni tiilə dza jìi zey ghey muu n fəŋŋə kə ghaa ghən ghaa bəghəm tə Zə̀ kə. Ghey ka ghəŋə koʼ tsə wù n ghə i bəbə i loʼ zə. Muu i ghey zə â zownu, loʼ soʼo tsətsəghə.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Timoti 3:9

Ghə khə ni teeli khə fə̀ŋ tə zow tə tə̀ ghə naŋŋə kɔʼɔ bənə isəŋə zən Zə̀ kə â chi dii bənə tə ghə bòʼ bəghəm i fə̀ŋ.

2 Timoti 1:3

N fuu kəzɔŋŋə tə Zə̀ kən n fwaʼanə tə wi n fə̀ŋ i zow zə ighələ tə ghə bày a bày ghuŋ ghə â ghəŋŋə tsənə. Nəŋə tədzəm abə n gɔŋŋənə, mə n gɔŋŋə soʼo n tow kə.

Taytus 1:15

Fə udzəm u zownu tə̀ ghə̂ ghən ghə zownə. A kee bə ghə̂ ghey ghə fwɔdlɔnə luʼu tə, bəghəm soʼo way tə̀ Zə̀ kə, aghəə adzəm tə̀ ghə loʼ ghəə a dzəə ghə n təŋkey, moʼlə tə ghə nsə fə̀ŋ tə ghə tə fwɔd doʼo soʼonu.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 13:18

Ghaa ndow kə n sə kə ni gɔŋŋə tə̀ ghey. Ghey khənu nə̀ fə̀ŋ tə ghey tə zownu, n təŋkey ghey ləghə ni ghəŋŋə ghəə zey i kpiinə nə tənəŋə tədzəm.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

1 Pita 2:19

N dza sey n təŋkey, Zə̀ kə i dii fə̀ŋ ə wi i dzuŋu zə tə wɔ abə wə kownə fə̀ŋ ni fəghə nə ighəə nə̀ wə ka ghəŋə bəəbə, bòʼ nə̀ wə khənu ghəə zey Zə̀ kə ləghənə.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.