Kəfwaʼ 23:6 - Kaa n Kəzə̀ n fəghə mə

⁶ Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 23:6 Mawu Ofanana

Matyo 10:16

Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀.

Matyo 22:23

Nghee tə̀ Yeso dza nə̀ ghə fuu tə Siza fə key kə loʼnə kə Siza kə, n tsuʼ fə tii fə kələ, ghə̂ a Sadusi ghey ghə dzanə nə̀ zhəm dzəŋŋə zə ivə i way, n bə n səə Yeso, bəb tə̀ wi nə̀,

Matyo 3:7

Ambə Jɔn koʼ tsunə ndəmə ghə̂ a tə Falasi nsə ghə̂ a tə Sadusi a bəghə soʼonə ni bə ney mmuu n Kəzə̀, tə n dza tə̀ ghə nə̀, “Ghaa loʼ tə̀ a loʼ zuu tə̀ bəbə tə! À ghaa mbɔŋ tsə̀ ndee nə̀ ghaa tyi ngoʼo Kəzə̀ zən i bəghənə ə?

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 22:30

Tow kə təsawgoʼ u tii wə n ləghə ni tɔʼ keeli shi kɔʼ zuŋ key ghə̂ a Təjuu a kwunə Pɔl tii. Tsətsə wey, tə n tsɔʼlə nuu tsu tsaʼ tey ghə â kuum naŋanə Pɔl tii, tsəʼlə tsu kəlaŋ nə̀ ghə fɔɔngili a nii ghə nsə ghə̂ a ndaw tsə ghə adzəm, zuŋŋə bə. Ambə ghə zuŋŋə bənə, tə n ney teyyə naŋa shi bə Pɔl n sə kə ghə.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Kəfwaʼ 23:15

Ghaa ghi ghə̂ a ndaw tsə ghə, ghaa khə ni ghəŋə tsu nə tow kə təsawgoʼ kə ney tsu bə Pɔl fa n səə ghaa, ghaa nəŋŋə dza ndow nə̀ ghaa dza i faalə tɔʼ laalə tsu saʼ a wi. Ghey n bayyə naŋa tən soʼo wû zə ni wey wi tə wi ni buʼ bə taa fa.”

Kəfwaʼ 23:20

Winətəghə wey n dza tə wi nə̀, “Ghə̂ a Təjuu ghə n bayyə naŋa nə̀ ghə dza bə tə wɔ nə̀ wə ney tsu bə Pɔl n ndaw tsə̂ tsətsə, nəŋŋə dza nə̀ ghə dza i tɔʼlə shi kɔʼ ghəə a loʼ ghə kuum wi.

Kəfwaʼ 23:7

Ambə tə dza tsu ghəə ghən, ghə̂ a tə Falasi ghə n kaʼ ni tsowwə ghɔɔmə ghi ghə̂ a Sadusi ghə. Ndaw tii n nuu dzawwə doʼo tsu.

Kəfwaʼ 24:15

N ləmmə tənə tə Zə̀ kə ighələ tə ghə ləmmə tənə soʼonə nə̀ ghə̂ ghən ghə loʼnə tsətsəghə nsə ghə̂ ghən ghə way tsətsəghə, i zhəm dzəŋŋə bənu nə ivə.

Kəfwaʼ 24:21

A may kə ighəə imɔʼ mə â taw shi kɔʼnə n ndzə̂ tii nə n loʼ ghi ghə n ndaw tsə̂. Mə â dza nə̀, ‘Ghə mə na fa saʼa boʼnə n naʼlə nə̀ ghə̂ a zhəm dzəŋŋənu nə ivə.’”

Kəfwaʼ 28:20

À wən loʼ ghə i tii zə n tɔŋɔ naŋa bənə ghaa na fa, nə̀ n tiilə dza bə soʼo tə ghaa ghəə zey i tsəghənə. Ghə mə fa nə tətsaʼ kùm naŋa bòʼ wù wey Zə̀ kə â dza naŋa nə̀ i tûm bənu tə ghə̂ ghə Izree ghə.”

Filipi 3:5

Ghə â səghə tyi kuŋ nə̀ n nam loʼ ntsuʼu ifam tə̀ ghə ji tsu mə. N shi n naʼ zə Izree, n sad i kəbii i Benjamin, wù Hibru jinə. Abə a dza i ney bə n ghəə a laŋ kə ghə̂ a Təjuu, n loʼ wù Falasi.

Kolose 1:5

Bəghəm i fə̀ŋ zən nsə ləghə zən ghaa khənə loʼ n təŋkey ghaa ləmmə tənə ni keeli naamə kən Zə̀ kə naŋanə tə ghaa n fɔ̀ɔ wə idəŋ wə. Ghaa â keeli ndzoʼo moʼlə zən n nəŋə zey ghaa â bəghəmnə tûm i dzuŋu zən kuum Yeso Klisto i loʼnə isəŋə.

Hibru 6:19

À loʼ ləmə zən i ghəŋŋənə nə̀ bəghəm i fə̀ŋ i saa zə i taw tə̀ nyəllə u kəfən u tɔɔmənə fə̀n kə n dzuu nə̀ kə təmi taw tsu. Yeso wən saa ndzəm gaʼnə fə̀ŋ tə saa tə n kow wi, tali tsəghə ndow saa n kə̀ŋ wən u loʼnə n dzəŋi kə dzûmə tə Klisto idəŋ, tə nyi daŋŋə ndow n fə̀ŋ ə luʼu key Zə̀ kə muunə tii.