Kəfwaʼ 23:16 - Kaa n Kəzə̀ n fəghə mə

¹⁶ Waa dzaamə ə Pɔl n tsɔŋ zow tsu tsəm ə ghə i tii zə, sey, tə n ndow nyi dza ndow tə Pɔl nə kəbali.

Kəfwaʼ 23:16 Mawu Ofanana

Kəfwaʼ 21:34

Ghə̂ a loʼ ghə fu n nɔɔ kə aghə̂ key n dza shiə kɔʼɔ n dzə̂ tə taw tə nə a loʼ i zən, a loʼ ghə n dza ndow i nuu zə. Ambə tə sə way ni tɔʼ keeli basə kə ighəə nghee dəm kə â sə ngii loʼ, tə n dza tsu nə ghə ney ndow ghi wi nə kəbali.

Kəfwaʼ 21:37

Ambə ghə dza i naŋa nyi ndow Pɔl nə kəbali, tə n bəb tsu tə wù nii təsawgoʼ wey nə̀, “N loʼnu ni dza ghə i loʼ zə tə wɔ ə?” Wù nii təsawgoʼ wey n bəb tə wi nə̀, “Wə khənu ni ghɔɔmə ghɔɔmə i Grik ə?

Kəfwaʼ 23:10

Ambə ndəm kə tii kə taw kɔʼ dzəŋi tsunə, tow kə təsawgoʼ wey n tsəŋə nə̀ ghə loʼ ni ney saalə tsu Pɔl nə usat. Tə n tsəʼlə tsu kəlaŋ tə̀ sawgoʼ tə nə̀ ghə tsu ney nuu kɔʼ wi nə kədaʼa n fəŋŋə kə ghə, ghə kɔʼ bə nə kəbali.

Kəfwaʼ 23:17

Pɔl n daŋŋə tɔŋɔ tsu wù nii təsawgoʼ umɔʼ, dza tə wi nə̀, “Ney kɔʼ ndow winətəghə wən n səə tow kə təsawgoʼ, tə khə ghə i loʼ zə ni dza tə wi.”

Kəfwaʼ 23:32

Tsətsə wey, sawgoʼ tey n tûm zəghə ndow wi ghi ghə̂ ghey ghə loʼnə nə̀ ukhinyam, kee dzəŋŋə ndow ibam nə kəbali.

Kəfwaʼ 24:23

Tə n daŋŋə dza ndow tə̀ sawgoʼ zey zə â keyyənə Pɔl nə̀ tə ney dzəŋŋə ndow wi n ndaw tsaʼ, tə nyaʼi zəghə tsu soʼo wi tə i ney kɔʼɔ kɔŋŋə kə. Tə n dza tsu soʼo nə tə ka dzum dzəŋŋə dzə fə̂ a wi ghə abə ghə bə ni bə fuu wi n gaamə zə.

1 Kɔrint 3:19

I loʼ nə̀, fə̂ key mbi tɔŋŋənə nə̀ a loʼ utɔb, a loʼ ilaʼlə n sə K-a-zə̀. I loʼ tə i tɔ̀ɔ doʼonə n màʼlə K-a-zə̀ nə̀, “Zə̀ kə biilə kwɔɔ kɔʼɔ kə ghə̂ a tɔbə ghə n tɔb wey ghə dza ghə khənu.”