Kəfwaʼ 23:10 - Kaa n Kəzə̀ n fəghə mə

¹⁰ Ambə ndəm kə tii kə taw kɔʼ dzəŋi tsunə, tow kə təsawgoʼ wey n tsəŋə nə̀ ghə loʼ ni ney saalə tsu Pɔl nə usat. Tə n tsəʼlə tsu kəlaŋ tə̀ sawgoʼ tə nə̀ ghə tsu ney nuu kɔʼ wi nə kədaʼa n fəŋŋə kə ghə, ghə kɔʼ bə nə kəbali.

Kəfwaʼ 23:10 Mawu Ofanana

Kəfwaʼ 21:37

Ambə ghə dza i naŋa nyi ndow Pɔl nə kəbali, tə n bəb tsu tə wù nii təsawgoʼ wey nə̀, “N loʼnu ni dza ghə i loʼ zə tə wɔ ə?” Wù nii təsawgoʼ wey n bəb tə wi nə̀, “Wə khənu ni ghɔɔmə ghɔɔmə i Grik ə?

Kəfwaʼ 22:24

Wù nii təsawgoʼ ə Roma n tsəʼlə tsu kəlaŋ tə̀ sawgoʼ tə wi tə nə̀ ghə ney nyi ndow Pɔl nə kəbali, ghə bwɔd dzɔb tsu, tə dza bə isəŋə kuum bɔŋ mey ghə̂ a buʼlə kaabə n tow kə wi.

Kəfwaʼ 23:16

Waa dzaamə ə Pɔl n tsɔŋ zow tsu tsəm ə ghə i tii zə, sey, tə n ndow nyi dza ndow tə Pɔl nə kəbali.

Kəfwaʼ 23:27

Ngəd tə Təjuu tə â kwu kɔʼ wù wən, ghə n bayyə naŋa may tsu aghəə ni wey wi. Nghee n keeli shi kɔʼ nə̀ a loʼ wù Rom, mə n ney kɔʼ təsawgoʼ, ndow bəghəshi tsu wi n wɔ ghə.

Kəfwaʼ 23:28

Mə n ləghə ni keeli chɔd wey tə â khənə tə ghə ni kwu wi, sey, mə n ney bə wi n ndaw tsə ə ghə.

Kəfwaʼ 23:32

Tsətsə wey, sawgoʼ tey n tûm zəghə ndow wi ghi ghə̂ ghey ghə loʼnə nə̀ ukhinyam, kee dzəŋŋə ndow ibam nə kəbali.

Kəfwaʼ 24:7

[Ghey â khənu ni saʼ wi tə laŋ kə ghey kə diinə. Tow kə təsawgoʼ wey ghə tɔŋɔ wi nə a loʼ Lishyas n kee bə bəkeeli nuu kɔʼ wi nə kədaʼa n wɔ ghey, dza nə̀ ghə̂ ghey ghə kwunə wi, ghə bə n səə wɔ.]

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.