Kəfwaʼ 22:5 - Kaa n Kəzə̀ n fəghə mə

⁵ Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 22:5 Mawu Ofanana

Lukas 22:66

Ambə tsuʼ u zow tsunə, ngəd tə inaʼ, nsə ghə fɔɔngili a nii ghə, nsə ghə̂ a dii ghə ulaŋ ghə n dzəŋi i bə, ney bə Yeso n tay i saʼ i ghə.

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 2:29

“Waazə ghə, n ndzəmə dza bənu tə ghaa nə̀ bày bày saa, fɔ̀ɔ Devid mâ kpu, ghə n tsəllə tsu wi, say i wi i nam loʼ kənu fa ghi saa ni bə kuum bə na.

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 26:10

A wey bɔɔmə loʼ ghəə ghey mə â ghəŋŋənə n Yerosalem. Mə â ney kədaʼa n wɔ ghə fɔɔngili a nii ghə, kwu fii naŋa ndəmə ghə̂ a Kəzə̀ n ndaw tsaʼ. Ambə ghə tsəʼlə tsu saʼ nə̀ ghə wey ghə, mə n tsəm bəghəm soʼo nə ghə wey ghə.

Kəfwaʼ 26:11

Mə n chɔd ghə n ndəmə tənəŋə n ndaw tə udzəŋi tə ghə ni ghəŋə nə̀ ghə tuu maʼa Yeso. Mə n ngii baa ghə n jìi zey mə n bəghəm kaabə ndow ghə n naʼa tə tətùm ni chɔd ghə.”

Kəfwaʼ 26:12

Pɔl n ndow n sə kə dza nə̀, “Â wən loʼ moʼlə zey mə â khənə n fə̀ŋ nghee n ndownə n Damaskus n daʼa key ghə fɔɔngili a nii ghə â fuunə tə mə.

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 28:21

Ghə̂ ghey n dza tə Pɔl nə̀, “Ghey ka kam koʼ dzə màʼlə kə loʼ kə fa, kə nuu bə n Judeya kuum wɔ. Waazə a saa ghey ghə buʼu bəghə tsənə fa, u loʼ u ka kam bə naʼa koʼ tsə nkee ni dza koʼ tsə ghə i bəbə i loʼ zə kuum wɔ.

Kəfwaʼ 3:17

Waazə ghə, n khənu nə ghaa nsə ghə̂ ghən ghə laalənə ghaa, ghaa â ghəŋə ghəə ghən n kow Yeso n təŋkey ghaa â khə way ghəə zey ghaa â ghəŋŋənə.

Kəfwaʼ 4:5

Tsətsə wey, tsoʼ tə inaʼ, ngəd tə Təjuu nsə ghə̂ a dii a kəlaŋ ghə n təmdzəŋi bə n Yerosalem.

Kəfwaʼ 5:21

Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

Galeshia 1:13

Wû i ghaa, ghaa mâ zow ndzoʼo muu zey mə â muu nə ghii zə n nəŋə zey mə â bəghəm nə tə ghəə a Kəzə̀ a ghə̂ a Təjuu ghə. Ghaa mâ zow jìi zey mə â chɔdlɔnə ghə̂ a dzəŋi kə dzûmə tə Klisto ghə a tii nə̀ mə n sə̂ a kəmə naŋa tən, ləghə ni mayyə ghə.

Filipi 3:6

Mə â ngii khə tsə zay n laŋ kə inaʼ kə ghə̂ a Təjuu, mə n fuu tsə̀ ghə̂ a Ndaw Kəzə̀ n chɔd wə. Abə n ghəə ghən a loʼnə tsətsəghə tə laŋ kə dii nə̀, mə â naŋŋə tsə kəlaŋ sa, tsəm khə way bwu i loʼ zə.

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.