Kəfwaʼ 22:16 - Kaa n Kəzə̀ n fəghə mə

¹⁶ Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

Kəfwaʼ 22:16 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 13:8

Pita n dza tə̀ wi nə̀, “Wə nə sow koʼ way fuu zuŋ zə.” Yeso n dza tə wi nə̀, “Abə n ka sow fuu zə, a sey loʼ nə̀ ghi wɔ kəm khə way ghə i loʼ zə.”

Kəfwaʼ 2:21

Wù wey tə i tɔŋɔnə zəd i Mûkəbii zə nə̀ tə gaamə wi, Zə̀ kə i bəghəshi wi.’”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

Kəfwaʼ 9:18

N nəŋə i tii zə kə, fə u loʼ wə tə a loʼ zhwey u tətsəghə wə n tsɔʼlə nuutsu n sə̂ a Sɔl. Tə n kəm kaʼ ni koʼ təluʼu. Tə n nuu i kɔʼ, Ananyas n fuu wi n mmuu n Kəzə̀ mə.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Galeshia 3:27

Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Taytus 3:5

tə n bəghəshi tsu saa. Tə â ka bəghəshi dzə saa a dza saa ghəŋə ghə i dzuŋu i loʼ zə, tə â fəd bəghəshi saa bòʼ sî i kwɔɔlə zey tə khənə n kow saa. Tə â bəghəshi saa n bam i Zay kə Zow key tə â tûm bənə nə̀ kə bə sow maʼa saa n ghəə a saa a bəbə ghə, tə ghəŋə soʼo nə̀ saa kweyyə kɔʼ mwam u saa, saa keeli bə muu i fəghə zə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.