Kəfwaʼ 22:1 - Kaa n Kəzə̀ n fəghə mə

¹ Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 22:1 Mawu Ofanana

Lukas 12:11

Abə ghə ney bənə ghaa n səə ngəd tə saʼa tə təsaʼ tə n ndaw kədzəŋi ni saʼ ghaa, kə ghaa nə fəmənə wû i ghaa zə ni moʼlə zeeli ghə zey ghaa i dzanə fu.

Lukas 21:14

Sey, kə ghaa nə keelinə fəmmə zə n fə̀ŋ tə ghaa nə a i beeli ngee ghəə ghə?

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 19:33

Ghə̂ a Təjuu a loʼ ghə n tənnə Alekzanda nə tə shi ghɔɔmə bə aghəə, n təŋkey ghə â koʼ wi nə tə khənu ghə i dza zə. Alekzanda n fòʼlə ndow awɔɔ nə ghə doʼo tsu mɔŋ, tə i tiilə ghəə zey i tsəghənə tə ghə.

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 24:10

Ambə Feliks tɔŋɔ gɔvənɔ sɔʼ ndow wɔ kə tə̀ Pɔl nə̀ tə ghɔɔmə, Pɔl n dza nə̀, “N khənu nə̀ wə n saʼ naʼ zən n ndəmə tənum, n duʼlənu ni tiilə dza bə n sə kə nə n ka ghəŋə bəəbə dzə ghə i loʼ zə.

Kəfwaʼ 25:16

Mə n dza ndow tə ghə nə̀, laŋ kə Rom kə ka bəghəm dzə nə̀ wə dza nə̀ wù n bwu saʼ nə ighəə nə̀ tə ka ghɔɔmə ballə dzə ghi wù wey tə kwunə wi n ghə i tii zə. Ghə way soʼo ni dza nə̀ wù n bwu saʼ nə̀ wù tii ka tiilə dza bə dzə nə̀ ghəə zey ghə kwɔɔnə wi tii loʼ ghəə a badla ghə.

Kəfwaʼ 25:8

Pɔl n tuu ghəə ghey adzəm ghə kwunə wi tii, dza nə̀, “N ka laŋ kə ghə̂ a Təjuu kə loʼ kə zaʼ dzə, n ka ghəŋə bəəbə ghə i loʼ zə n ndaw Kəzə̀ n Yerosalem, n ka dza bəəbə soʼo ghə i loʼ zə tə dəŋ kə Rom kə.”

Kəfwaʼ 26:24

Nghee Pɔl nam dəmə ni tiilə dza nə̀ i ka ghə i bəbə i loʼ i ghəŋə dzə, Festus n nuu dza shi kɔʼ n dzə i taw zə nə̀, “Pɔl, wə zəghənu! Màʼlə kə key wə ngii zoʼlə tsu sa, kə n saʼa maʼa tow kə kə̀.”

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Roma 2:15

Ghəə ghey ghə ghəŋŋənə dii bənu nə̀ ghəə ghey laŋ kə diinə, loʼnu n fə̀ŋ tə ghə. Fə̀ŋ tə ghə tə dii soʼonu nə̀ ghə khənu laŋ K-a-zə̀ kə n təŋkey, fə̀ŋ tə ghə tə diinu n nəŋə zey ghə ghəŋə dzɔb tsunə, tə n dii soʼo n nəŋə zey ghə ghəŋə bəəbə tsunə.

1 Kɔrint 9:3

Tə̀ ghə̂ ghey ghə dza nə̀ n way ngəd Yeso, ghəə ghən n dzanə tə̀ ghə loʼ nə̀,

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

Filipi 1:17

Ghə̂ a loʼ ghey naʼlə dzə way tûm bòʼ Klisto n fə̀ŋ i dzuŋu zə, n təŋkey ghə ləghə nə̀ ghə̂ ghə i dzûmə bə ghə, moʼlə kə nə ghə kuu kpiʼi chɔd wuŋ nghee n loʼnə n ndaw tsaʼ.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.