Kəfwaʼ 21:3 - Kaa n Kəzə̀ n fəghə mə

³ Ambə ghey bə taa tsunə n luʼu key a koʼ ndow naʼ i Sayprus, ghey n baʼ naŋa ndow naʼ i tii zə n kpii kə kwɔɔ kə, nuu ndow n Sirya, taa shi ndow n Tayra n təŋkey â loʼ fu fən key a khə ni siʼi shiəllə fə wey kə â boʼo keelinə.

Kəfwaʼ 21:3 Mawu Ofanana

Matyo 11:21

“Ngoʼ loʼ tə ghaa ghə̂ a Korazin ghə! Ngoʼ loʼ tə̀ ghaa ghə̂ a Bedsayda ghə! N təŋkey, abə mə â ghəŋŋənə ghəə a faalə ghən n naʼ i Tayra nsə n naʼ i Sidɔn, tə̂ ghə mâ dzəŋə ndzə̂ tə ivə tə, tsoʼlə soʼo udzəm nə iwû, ni dii nə̀ ghə n kweyyə fə̀ŋ tə ghə tə n ghəə a bəbə ghə.

Matyo 4:24

Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Lukas 10:13

“Ngoʼ i lòʼ tə ghə̂ a Korazən nsə ghə̂ a Besayda ghə bòʼ ghəə a faalə ghə mən ghə fwaʼnə n naʼa tə ghaa, bə ghə a fwaʼnə n naʼa tə Tayra ghi Sidɔn, tə̀ ghə a kweyyə fə̀ŋ tə ghə, ghə doʼo bə n ndzə tə ivə tə nə udzə̀m.

Lukas 2:2

 wən loʼ nəŋə i sə̂ isə zə ni ney taŋ aghə̂ nə̀ Kwirinus loʼ Gɔvənɔ n naʼ i Sirya.

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 12:20

Herɔd â ngii fəələ unəghə n kow ghə̂ a Tayra ghə nsə ghə̂ a Sidɔn ghə. Ghə̂ a Tayra nsə ghə̂ a Sidɔn ghə n təmdzəŋi kɔʼ ni ndow koʼ wi. Ghə n bùʼ koʼ tsu dzə wù wey tə a laalənə tɔʼ ə Herɔd, ghə â tɔŋŋənə wi nə̀ à loʼ Blastus, nə̀ tə gaamə ghə, ghə koʼ ndow Herɔd. Ghə n ndow koʼ ndow Herɔd, buʼ wi wɔɔ kə nə ghə i dzəŋi muu nə ibuulə, n təŋkey, naʼ i ghə zə â keeli ufəzəə nə u nuu bə n naʼ i Herɔd.

Kəfwaʼ 13:4

Zay kə Zow kə n tûm tsu ndow Banabas ghi Sɔl n Selushya. Ghə n nyi kɔʼ nə kəfən fu n nguŋ ə nali kə dzùu kə Selushya, nuu ndow n naʼ zey dzuu dzəŋŋə naŋa kɔʼnə n fə̀ŋ, ghə tɔŋŋə nə̀ a loʼ Sayprus.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:39

Ghə n nûmə zuu tsu fu n wû i ghə, saʼ sàli nuu i tsu. Banabas n ney kɔʼ Jɔn Mak nyi kɔʼ nə kəfən, nuu daŋ ndow n Sayprus.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 21:16

Dzûmə tə Yeso tə loʼ tə tə â nuu bənə n Kayserya n ndow dzəŋi ghi ghey. Ghə n ney ndow ghey n luʼu key ghey â khə ni doʼo tii n ndaw Nasən. Nasən â loʼ wù Sayprus wən tə â kə̂ bəghəmnə ni doʼo dzûmə ə Yeso.

Kəfwaʼ 21:2

À loʼ fu ghey â keelinə fə̀n kə, kə daŋanə n Foenishia. Ghey n nyi kɔʼ tii, nuu ndow n daŋ zə.

Kəfwaʼ 21:7

Ambə ghey zəghə tsunə Tayra, ghey n kɔʼ bəŋ tsu n Tolemes, tɔŋɔ zow tsu dzûmə tə Klisto tey fu, gaʼ bweeli tsu ghi ghə fətsuʼ fəmɔʼ.

Kəfwaʼ 27:4

Ghey n zəghə tsu fu, nyi ndow n dzuu, zəŋ n ka tsəm bəghəm nə ghey tsəghə jii fu. Zəŋ ə tii n tənnə ghey sa, ghey n kəm ndow fwɔli tsəghə jii n bad key zəŋ tsəghə way tii n dzuu n Sayprus.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”