Kəfwaʼ 21:13 - Kaa n Kəzə̀ n fəghə mə

¹³ Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 21:13 Mawu Ofanana

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 20:37

Ghə adzəm n deyyə, maŋŋə keeli ndow wi, dza nə̀ tə tɔʼ bwey kədzuŋ.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

1 Kɔrint 15:31

Waazə ghə, n dza bə tə̀ ghaa nə̀ n koʼo ivə tsuʼu n dzəm. À kee loʼ nə̀, kɔʼlə mey n khənə à loʼ nə̀ ghaa loʼ nə kəfə kəmɔʼ ghi Yeso Klisto tə loʼnə Mûkəbii saa.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 2:26

Tə n ngii mbuŋŋə ni bə koʼ ghaa, fə̀ŋ n ngii fəmmə soʼo wi, n təŋkey, ghaa mâ zow nə̀ tə â dzaŋanu.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

2 Timoti 1:4

Abə n moʼlə bənə nghee wə â deynə tii n nəŋə zey saa â sàli nuu tsunə, fə̀ŋ n baŋa mə ni koʼ wɔ, sey nə̀, mə i loʼ ni keeli iduʼlə naʼ idzəm.

2 Timoti 4:6

A kee bə mə, mə n fuu wû wuŋ wə tə a loʼ umaʼlə tə Zə̀ kə. Nəŋə zə n shɔd tə mə ni zəghə mbi zən.

2 Pita 1:14

N khənu nə̀ fəkəmə sa, mə i kəm way dzə n tow kə, nghee tə Mûkəbii saa Yeso Klisto â tɔʼ dii fuu bənə tə̀ mə.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.