Kəfwaʼ 21:11 - Kaa n Kəzə̀ n fəghə mə

¹¹ Tə n bə koʼ tsu ghey, ney kɔʼ kwɔɔ fə Pɔl, kow tsu fuu i wi nsə kpii i wi zə tii, dza tsu nə̀, “Zay kə Zow kə dza nə̀, ‘À wən loʼ jìi zey ngəd tə Təjuu tey n Yerosalem i kwɔɔ kow tsunə wù wey tə khənə kwɔɔ fən, ghə ney fu tsəghə ndow wi tə ghə̂ ghey ghə way ghə̂ a Təjuu ghə.’”

Kəfwaʼ 21:11 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 18:1

Ambə Yeso gɔŋŋə may tsu, tə n nuu tsu ghi ngəd tə wi tə, daŋ shi kɔʼ bɔʼ kə loʼ kə ghə â tɔŋŋə nə̀ a loʼ Bɔʼ kə Kidrɔn, nyi ndow n dəŋə key sum u loʼ wə â loʼ tii. Wi ghi ngəd tə wi tə n nyi ndow n sum u tii wə.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 21:33

Wù nii təsawgoʼ wey n kuʼlə kəŋə bə, kwu kɔʼ Pɔl, tsəʼlə tsu kəlaŋ nə ghə kuum tsu wi nə tətsaʼ təbəghə. Tə n daŋŋə bəb zow kɔʼ wù wey Pɔl loʼnə ghii wə n wɔ ghə̂ ghey, nsə ghə zey tə ghəŋə bəəbənə.

Kəfwaʼ 21:4

Ghey n koʼ tsu dzûmə tə Klisto tə loʼ tə fu, doʼo kəŋə ndow ntsuʼu nsəghəmbəghə fu ghi ghə. Zay kə Zow kə n chimmə kɔʼ ghə, ghə n dza tə Pɔl nə kə wə nə ndow daŋŋənə n Yerosalem.

Kəfwaʼ 22:25

Ambə ghə kwu kow tsu wi nə ubaʼ, Pɔl n nuu bəb kɔʼ tə wù nii təsawgoʼ wey tə â tey fu nə̀, “Laŋ kə bəghəmnu nə ghaa bwɔd wù Rom nə ghaa ka wi saʼ tsu dzə isə ni koʼ nə̀ tə ghəŋə bəəbənu ghə i loʼ zə ə?”

Kəfwaʼ 24:27

Ambə num tə tsəghə tsu təbəghə, Pɔshius Festus n kɔʼ kɔʼ ndaŋ ə Feliks tə a loʼ gɔvənɔ. Feliks n naŋa taʼa tsu Pɔl n ndaw tsaʼ n təŋkey, tə â ləghə ni keeli tûm usə u dzuŋu wə ghi ghə̂ a Təjuu ghə.

Kəfwaʼ 26:29

Pɔl n dza nə̀, “Abə a loʼ kə n kəmə fə inəŋə, nkee n ndaŋ kə inəŋə, gɔŋŋə zuŋ tə Zə̀ kə loʼ nə̀ wɔ ghi ghə̂ ghən adzəm ghə zəllə ghɔɔmə zuŋ zə na mə doʼo tsu dzûmə tə Klisto tə a loʼ mə. N kee gɔŋŋə dzə way nə̀ ghaa doʼo ghə̂ ndaw tsaʼ tə a loʼ mə.”

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 28:20

À wən loʼ ghə i tii zə n tɔŋɔ naŋa bənə ghaa na fa, nə̀ n tiilə dza bə soʼo tə ghaa ghəə zey i tsəghənə. Ghə mə fa nə tətsaʼ kùm naŋa bòʼ wù wey Zə̀ kə â dza naŋa nə̀ i tûm bənu tə ghə̂ ghə Izree ghə.”

Kəfwaʼ 28:25

Ghə n nuu dzawwə doʼo tsu n wû i ghə, zey nə u nuulə wə nghee ghə zow Pɔl dza tsunə nə̀, “Zay kə Zow kə â ka nɔʼ dzə ni dza tə ghə bày bày a ghaa ghə n bam i wù tûm Kəzə̀ Ayzaya nə̀,

Kəfwaʼ 8:29

Zay kə Zow kə n dza ndow tə Filip nə̀, “Ndow n səə kaya zey wə kuʼlə bwey dzəŋi ndow ghi ghii zə.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 6:20

Kuum nə̀ a loʼ bòʼ tûm i dzuŋu zən n loʼnə wù tûm ə klisto. N fa loʼ n ndaw tsaʼ bòʼ i ghii. Sey, gɔŋŋə na nə̀ mə i khə fə̀ŋ ni naʼlə tûm i tii zə tə̀ n khənə ni naʼa nə̀ n khə way tsəŋ i loʼ zə.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Hibru 3:7

Sey, tə Zay kə Zow kə dzanə nə̀, “Abə ghaa zow tsunə ghɔɔmə i Kəzə̀ zə n tsuʼ fə na fən,

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.