Kəfwaʼ 20:9 - Kaa n Kəzə̀ n fəghə mə

⁹ Waa fəghaŋ u num u loʼ wə ghə â tɔŋŋənə wi nə aloʼ Yutikus n doʼ fu n zay kə ndaw. Ambə Pɔl sə khəə nduŋŋə ndow kə ghəə ghə, waa wey n kaʼ ndow ni dzoʼ bweeli. Tə n dzoʼ bweeli kə sa, baa bweeli nuu indow. Nghee tə̀ mbweeli tə tsəghəshi tsunə wi, tə n nuu bwù shi tsu bə aghəd n zay kə ndaw. Luʼu key tə â bwu shi tsu bənə tii â loʼ təndaw tətəghə tə doʼo kuulə kɔʼ ndownə. Ghə n bə boʼo kɔʼ wi nə tə n kpu.

Kəfwaʼ 20:9 Mawu Ofanana

Malakus 13:36

I kə̂ ghaa nə̂ bəghəmnə nə̀ tə gbəllə bə kwɔɔlə ghaa nə̀ ghaa bweelinu.

Malakus 9:26

Zay key n buʼ shi kɔʼ kəbɔŋ, mbvuŋŋə maʼa bə waa wey aghəd, daŋŋə bə tsəghə shi n kow wi. Waa wey n nyə̀ŋ tə̀ tə kpu doʼonu. Ghə̂ ghə n kaʼ ni dza nə̀, “Tə n kpu!”

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 20:10

Pɔl n nuu shi tsu ndow, nyiŋi maŋŋə keeli ndow wi, dza tsu nə̀, “Ka na fə̀ŋ tə baŋŋə dzə, tə ka kam kpu dzə!”

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Kəfwaʼ 20:8

Daa wə n baŋŋə kaabə tsə fu n dzuu i ndaw zey idəŋ ghey â dzəŋi doʼnə tii.