Kəfwaʼ 20:7 - Kaa n Kəzə̀ n fəghə mə

⁷ N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Kəfwaʼ 20:7 Mawu Ofanana

Malakus 16:9

Nghee tə̀ Yeso zhəm kɔʼnə nə ivə n tsuʼ fə sə̂ i sə fə nə iwən, tə n dii ndòw uwû tə̀ Maliya Magdala wən tə â dzùm shinə zay u bwu wə usəghəmbəghə n kow wi.

Lukas 22:19

Tə n ney kɔʼ kəbaa, fu ndòw zɔŋə K-a-zə̀, bòʼ i tsu, fu ndòw tə̀ ghə dza, “À wən loʼ wû wùŋ n fuunə bòʼ ghaa, ghaa khə ni ghəŋə ghəə ghən ni mòʼlə mə̀.”

Lukas 24:35

Dzûmə tey təbəghə n dza ndòw soʼo ghəə ghey a mə shinə ghi ghə n jii, nsə nghee ghə mə koʼ keeli ndòwnə wi n nəŋə zey tə dzawnə fəzəə wə.

Tùm i dzuŋu zə kuum Yeso Klisto tə Jɔn â tɔɔnə 20:1

Ambə n tsuʼ inaʼ wə nkala, Maria Maʼdalen n kèy kɔʼ utsuʼ ndow nə isay, ndow koʼ ndow nə̀ ghə n bəŋŋə nuu tay zey zə â loʼnə n dzuu zə isay.

Tùm i dzuŋu zə kuum Yeso Klisto tə Jɔn â tɔɔnə 20:19

N nəŋə i fənə zə n tsuʼ inaʼ wə nkala u mɔʼɔ wey, ngəd tə Yeso tə n dzəŋi loʼ n ndaw nə̀ ghə n fii naŋa baʼ wə, n təŋkey ghə â tsəŋə ngəd tə Təjuu. Nghee ghə loʼnə fu, ghə n maŋ fwey Yeso tə teynə n sə kə ghə. Tə n dza tə̀ ghə nə̀, “Buulə zə loʼ ghi ghaa.”

Tùm i dzuŋu zə kuum Yeso Klisto tə Jɔn â tɔɔnə 20:26

Ambə tsuʼu n tsəghə tsu ifam, ngəd tə Yeso tə n loʼ kpiʼi n ndaw, Tɔmɔs n loʼ ghi ghə. À n loʼ nə̀ baʼ u fii doʼonu, ghə n taa fəmi kɔʼ Yeso nə̀ tə tey n səə ghə, tə n dza tə̀ ghə nə̀, “Buulə zə i loʼ ghi ghaa.”

Kəfwaʼ 16:10

Ambə Pɔl koʼ tsu jim wən, ghey sey daŋŋə dzəŋi bəghəm kɔʼnu nə̀ Zə̀ kə n ghey tɔŋɔ nə̀ ghey ndow naʼa tûm i dzuŋu zə n Masedonya. Ghey n daŋŋə kuumə kɔʼ ufə ni ndow fu.

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 20:11

Tə n daŋŋə nuu dzəŋŋə kɔʼ ndow ibam n ndaw zey idəŋ, ndow zə̂ kɔʼ baa K-a-zə̀ ghi dzûmə tə Klisto tey fu, ghɔɔmə aghəə ghi ghə sa, tsuʼ wə n zow nyi bə. Tə n daŋŋə zəghə tsu ghə, nuu ndow.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 20:5

Ghə̂ ghən n nuu ndow isə, ndow ləmə ndow ghey n naʼ i Trowas.

Kəfwaʼ 20:9

Waa fəghaŋ u num u loʼ wə ghə â tɔŋŋənə wi nə aloʼ Yutikus n doʼ fu n zay kə ndaw. Ambə Pɔl sə khəə nduŋŋə ndow kə ghəə ghə, waa wey n kaʼ ndow ni dzoʼ bweeli. Tə n dzoʼ bweeli kə sa, baa bweeli nuu indow. Nghee tə̀ mbweeli tə tsəghəshi tsunə wi, tə n nuu bwù shi tsu bə aghəd n zay kə ndaw. Luʼu key tə â bwu shi tsu bənə tii â loʼ təndaw tətəghə tə doʼo kuulə kɔʼ ndownə. Ghə n bə boʼo kɔʼ wi nə tə n kpu.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

1 Kɔrint 10:16

Wɔ̀ zey saa dzəŋi mə̂ə shiə kɔʼɔnə tii fuu soʼo kəzɔŋŋə tə Zə̀ kə, à sey way kaŋ tə Klisto saa dzəŋi mə̂ənə ə? Abə saa boʼlə zə̂ənə baa kə, a sey way wû u Klisto saa dzəŋi zə̂ənə ə?

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 16:2

N tsuʼu mə inaʼ mə nkala, kay wù khə ni ney naŋŋə kɔʼɔ bəghə fə fəghə fə n khəə wey tə keelinə nə iwən, tə n nyì naŋa ndow, sey nə̀, abə mə i bənə, ghaa i ka kəm fəmmə wû i ghaa ni zuŋŋə khəə u tii wə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Chi dii 1:10

A n bə n tsuʼ inaʼ wə nkala u loʼ wə, Zay kə Zow kə nyi bə n kow mə, mə n zow ndow dzə i taw i loʼ zə i fuŋunə n baa mə tə aloʼ isɔŋ ghə tɔŋɔnə.