Kəfwaʼ 20:3 - Kaa n Kəzə̀ n fəghə mə

³ Tə n doʼo kəŋə ndow təndzɔŋɔ tətəghə fu tii. Nghee tə ndzuŋŋənə wû wə ni ndow n Sirya, tə n zow tsu inyəŋŋə nə̀ ghə̂ a Təjuu a loʼ a bii ni wey wi. Tə kweyyə kɔʼ fə̀ŋ ə wi ni dzəŋŋə nə tə tsəghə jii n Masedonya.

Kəfwaʼ 20:3 Mawu Ofanana

Matyo 4:24

Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Kəfwaʼ 16:12

Ghey n zəghə tsu fu, nuu ndow n naʼ i Filipi, zə â loʼnə n tənə naʼ i Roma. Filipi â loʼ naʼ i nii zə n mboʼo Masedonya. Ghey n doʼo kəŋə ndow ntsuʼu fu.

Kəfwaʼ 16:9

Ambə n tsuʼu tə, Pɔl n koʼ ndow wù Masedonya tə teynə nə ujim, buʼu kəwɔɔ tə wi nə̀, “Bəghə n Masedonya, wə bə gaamə ghey.”

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 20:1

Ambə ndəm kən tsu kay tsunə, Pɔl n tɔŋɔ zuŋŋə bə dzûmə tə Klisto, kuu fə̀ŋ tə ghə, dza tə ghə nə̀ ghə doʼo kədzuŋ, daŋŋə zəghə tsu ghə ndow n Masedonya.

Kəfwaʼ 20:19

Ghaa a mgbaŋ khə nghee tə n fwaʼ kɔʼ bənə tii tə̀ Mûkəbii ə saa nə n kɔʼlə way wû wə, mə n fwaʼ soʼo n sə̂ mə nə asə̂ n nəŋə zey mə â keelinə chɔd wə bòʼ ghə̂ a Təjuu a loʼ ghə, ghə â bii kaabə tsənə mə.

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Kəfwaʼ 21:3

Ambə ghey bə taa tsunə n luʼu key a koʼ ndow naʼ i Sayprus, ghey n baʼ naŋa ndow naʼ i tii zə n kpii kə kwɔɔ kə, nuu ndow n Sirya, taa shi ndow n Tayra n təŋkey â loʼ fu fən key a khə ni siʼi shiəllə fə wey kə â boʼo keelinə.

Kəfwaʼ 25:3

Ghə n buʼ kəwɔɔ nə̀ Festus gaamə ghə ni tûm kɔʼ bə Pɔl n Yerosalem. A n loʼ nə ghə n bii naŋa ni kwu wey wi n jii.

2 Kɔrint 1:15

Nghee tə̀ mə̀ â tɔʼ khənə ghəə ghən, mə n naŋa tsu n fə̀ŋ zuŋ nə̀ n khə ni bə dzə̀ n səə ghaa, sey nə̀ ghaa i loʼ ni keeli kuulə ibuulə.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

2 Kɔrint 7:5

Nghee tə̀ ghey â ndòwnə n mbuʼu Masedonya, ghey â ka keeli dzə buʼ kə ni zayyə. Ghey â keeli nchɔd nə təluʼu tədzəm. Ghey n dəmə ghi ghɔɔmə tə aghə̂ tə, faŋŋə khə soʼo itsəŋ n fə̀ŋ.

Galeshia 1:21

Ambə n nuu tsunə fu, mə n nuu ndow n Sirya nsə n Silishya.