Kəfwaʼ 2:47 - Kaa n Kəzə̀ n fəghə mə

⁴⁷ Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 2:47 Mawu Ofanana

Lukas 19:48

Jìi n kee way, n təŋkey, ghə̂ adzəm ghə a zəllə kə tə wi, ləghə way ni guŋə ghə i loʼ zə.

Lukas 2:52

Yeso n nyîmmə kɔʼɔ bə, nyîmmə kɔʼɔ bə soʼo nə utɔb, buulə i Kəzə̀ zə n loʼ ghi wi, buulə zə aghə̂ zə n loʼ soʼo ghi wi.

Kəfwaʼ 11:21

Daʼa kə Mûkəbii kə n loʼ n kow ghə, ndəm ə aghə̂ n bəghəm tə Klisto, fəd doʼo bə dzûmə tə Mûkəbii.

Kəfwaʼ 11:24

Banabas â loʼ wù dzuŋu, Zay kə Zow kə n loʼ ghi wi naʼ idzəm, tə n ngii khə soʼo bəghəm i fə̀ŋ. Sey, tə n loʼ ni naʼa tûm i dzuŋu zə n jìi zey i ghəŋŋənə nə̀ ndəmə aghə̂ a kweyyə nuu bə n ghəə a bəbə ghə, ghə bəghəm tə Mûkəbii.

Kəfwaʼ 13:48

Ambə ghə̂ ghey ghə way ghə̂ a Təjuu a zow tsunə ghəə ghən, ghə n duʼlə, fuu soʼo ukali n ghɔɔmə i Mûkəbii zən. Sey, ghə̂ ghən Zə̀ kə â sàynə nə̀ ghə zə̂ itsali, ghə n keeli kɔʼ bəghəm i fə̀ŋ.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 16:5

Ghəə ghən n ghəŋə nə̀ dzəŋi u ghə̂ ghey ghə bəghəmnə tə Klisto, təmi taw n bəghəm i fə̀ŋ i ghə. Taŋa ghə n nyîmmə kɔʼɔ ndow soʼo tsuʼu n dzəm.

Kəfwaʼ 17:12

Ndəmə ghə̂ a Təjuu ghə n bəghəm, ighələ tə gheyzən a nii ghən nsə gheynum ghən ghə â way ghə̂ a Təjuu ghə â bəghəm soʼonə.

Kəfwaʼ 2:39

Təb kən Zə̀ kə â təb naŋanə, loʼ tə ghaa nsə waa a ghaa ghə nsə tə ghə̂ ghən ghə lɔʼlə loʼnə, tɔŋŋə ghə̂ ghən adzəm Mûkəbii, Zə̀ kə saa, i tɔŋŋə bənə n səə wi.”

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 4:21

Ambə ghə bəmi kpi tsunə ghə, ghə n zəghə tsu ghə nə ghə nuu. Ghə â koʼ tsu nə̀ jii way tə ghə ni chɔd ghə, n təŋkey, aghə̂ adzəm â fuu nkɔʼlə tə Zə̀ kə n ghəə ghən a shinə.

Kəfwaʼ 4:33

Nghee ngəd tə Yeso tə keeli tsunə daʼa kən, ghə n tiilə dza tə ghə̂ ghə nghee tə Mûkəbii Yeso â zhəm dzəŋŋə bənə tii nə ivə. Ndzuŋ ə Kəzə̀ n loʼ ghi ghə adzəm.

Kəfwaʼ 4:4

À kee loʼ nə̀ ndəmə ghə̂ ghey ghə â zownə ghɔɔmə i ghə zə, n bəghəm fuu. Taŋ a ghə̂ ghey ghə â bəghəmnə tə Yeso n dzəŋi nyiə kɔʼɔ ndow təkam tətaa.

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Kəfwaʼ 9:35

Ambə ghə̂ ghən adzəm ghə muunə n Lida nsə n Sharɔn koʼ tsunə wù wən, ghə n bəghəm fuu ndow tə Mûkəbii.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

Roma 9:27

Wù tûm Kəzə̀ Ayzaya n dey shi bə n dzə̂ i taw zə bòʼ ghə̂ ghə Izree ghə nə̀, “Nghee tə ghə̂ ghə Izree a tsəm loʼ kə n ndəm tə a loʼ kəsəsay n nguŋ ə dzuu, À kee loʼ kə sə fə aghə̂ tii fə i keelinə bəghəshi zə,

1 Kɔrint 1:18

Tûm zən bòʼ və i Yeso Klisto n zat kə fəkaʼ loʼ ilaʼlə tə̀ ghə̂ ghey ghə laʼa nay ndòwnə. A kee bə tə̀ ghey ghən ghey keelinə bəghəshi zə n wɔ Klisto, tûm ə tii dii bə daʼa K-a-zə̀.