Kəfwaʼ 2:45 - Kaa n Kəzə̀ n fəghə mə

⁴⁵ Ghə n fiilə fə wey ghə â khənə, ney khəə u tii wə dzaw fu ndow tə ghə̂ ghey ghə laʼanə fə kə.

Kəfwaʼ 2:45 Mawu Ofanana

Matyo 19:21

Yeso n dza ndòw tə̀ wi nə̀, abə wə̀ ləghənə ni doʼo tsətsəghə, ndòw fìi may tsu fə wə wə̀ udzəm, wə ney kɔʼ khəə u tii wə, wə fuu ndòw tə̀ ghə̂ a laa ghə, wə i keeli ikum idəŋ, wə daŋŋə bə dzûmə bə mə.”

Lukas 16:9

N fa tsə̀ə bə ghaa nə̀, i ney na fə u mbi wə, kaŋa ndòw afə̂ tii, tə̀ bə u nə maynə, ghə i kpii ney ghaa n muu kə wi kən idəŋ kə doʼo tən nə.

Lukas 18:22

Nghee tə Yeso zow tsu nə sey, tə n beeli ndòw wi nə̀, “Ghə i loʼ i nam doʼo səənu wə khənə ni ghəŋə, fii may tsu fə wey wə khənə, wə fu ndòw khəə u tii wə tə ghə̂ a laa ghə. Abə wə ghəŋə tsu nə sey, wə i keeli ikum idəŋ. Sey, wə i loʼ ni daŋŋə dzûmə bə mə.”

Lukas 19:8

Zakiə n fəd nu təmi i kɔʼ dza tə Mûkəbii nə̀, “Mûkəbii, mə i fuu ndow kəm kə ufə kuŋ tə ghə̂ a laa ghə, abə mâ tsi kə nə wù loʼ, mə i tsə dzəŋŋə ndow, n tsə kuulə ndow tənəŋŋə təkaykə n taŋ a fə wey mə â tsinə wi tii.”

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 4:34

Wù ghə u loʼ n laʼa way fə kə n fəŋŋə kə ghə, n təŋkey, ndəm ə ghə ghey ghə â khə luʼu tə nsə ndaw tə, ghə â fìilə tsuunu, ghə n bə n khəə u tii wə.

Kəfwaʼ 4:35

Ghə n bə fuu naŋŋə bə khəə u tii wə tə ngəd tə Yeso tə, ghə n ney dzawwə fuu ndow tə ghə̂ ghə tə ghə koʼonə fə key ghə laʼanə.

2 Kɔrint 9:1

N khənu nə̀ zuŋ kə ighəə kə loʼ kə way dzə tə̀ mə ni tɔ̀ɔ zeeli kəmàʼlə tə̀ ghaa bòʼ gaamə zey ghaa dza i fuu tə̀ dzûmə tə Klisto tey n Judeya.

2 Kɔrint 9:9

I loʼ tə̀ i tɔ̀ɔ doʼonə n màʼlə K-a-zə̀ nə̀, “Tə buu n wɔɔ kə ni gaamə ghə̂ ghey ghə laʼanə fə wə, Fə̀ŋ ə wi i dzuŋu zən tə diinə, may koʼo tsə way.”

1 Jɔn 3:17

Ghə̂ a kûm ghən fa n mbi ghə koʼo ndownə waazə ghən ghə muunə nə̀ ghə khə way fə kə, ka kwɔɔlə isî n kow ghə, ghə way dzə ni dza nə̀ ghə ləghənu Zə̀ kə.