Kəfwaʼ 2:43 - Kaa n Kəzə̀ n fəghə mə

⁴³ Ngəd tə Yeso tə n ghəŋŋə ndəmə ghəə a faalə ghə nsə ghəə a zum ghə idzuu ghə, sey, aghə̂ adzəm ghə n khə tsəŋ i Kəzə̀ n fə̀ŋ tə ghə.

Kəfwaʼ 2:43 Mawu Ofanana

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Lukas 7:16

Ghə̂ ghey n zey ndòw ni tsəŋ, kaʼ ni fuu ukali tə̀ Zə̀ kə dza, “Wù tûm Kəzə̀ u nii u loʼ wə n bən shi kɔʼ n fəŋŋə kə saa. Zə̀ kə n sey bə ni bə koʼ ghə̂ a wi.”

Lukas 8:37

Sey, ghə̂ ghey fu n mboʼo Jerasenes adzəm n dza tə̀ Yeso nə̀ tə ndòw nuu n naʼ i ghə təŋkey tsəŋ i mâ ghə ngi nyi, sey Yeso n nyi dzəŋŋə kɔʼ nə kəfən nuu i ndòw.

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 4:33

Nghee ngəd tə Yeso tə keeli tsunə daʼa kən, ghə n tiilə dza tə ghə̂ ghə nghee tə Mûkəbii Yeso â zhəm dzəŋŋə bənə tii nə ivə. Ndzuŋ ə Kəzə̀ n loʼ ghi ghə adzəm.

Kəfwaʼ 5:5

Ambə Ananyas zow tsu ghəə zən, tə n bwu bə aghəd, kpu i ndow. Tsəŋ zə n kwu ghə̂ ghey adzəm ghə â zownə ghə zey i shinə ghi Ananyas.

Kəfwaʼ 9:34

Pita n tɔŋɔ tsu wi dza, “Enias! Yeso Klisto n wɔ baŋŋə, nuu kɔʼ wə faalə tsu kay wə.” Tə n daŋŋə nuu kɔʼ idəŋ n nəŋə i tii zə kə.

Kəfwaʼ 9:40

Pita n kuŋŋə dza kə tə ghə nə̀ ghə nuu shi ndow a bii ghə adzəm. Tə n təm ndow tənguʼ aghəd, gɔŋŋə i tsu. Tə n khə̀mə ndow uwû n bad key vən zey zə â nyə̀ŋnə tii, dza tsu nə̀, “Tabita, nuu kɔʼ!” Tə n chi kɔʼ sə̂ a wi, nghee tə koʼ kɔʼnə Pita, tə n nuu doʼo i kɔʼ.