Kəfwaʼ 2:41 - Kaa n Kəzə̀ n fəghə mə

⁴¹ Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 2:41 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Tùm i dzuŋu zə kuum Yeso Klisto tə Jɔn â tɔɔnə 21:11

Shimun Pita n nyi kɔʼ ibam nə kəfən, sìi shi tsu bə wûu u tii wə n nguŋ inyi, tsəghə tə tii tə n loʼ fəbɔm nsə ghəm mə ntaa n ghii tə tətəghə. Nghee tə â buʼ loʼ kə n ndəm sey, wûu u tii wə â ka tiillə dzə.

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 13:48

Ambə ghə̂ ghey ghə way ghə̂ a Təjuu a zow tsunə ghəə ghən, ghə n duʼlə, fuu soʼo ukali n ghɔɔmə i Mûkəbii zən. Sey, ghə̂ ghən Zə̀ kə â sàynə nə̀ ghə zə̂ itsali, ghə n keeli kɔʼ bəghəm i fə̀ŋ.

Kəfwaʼ 2:37

Ambə ghə zow tsunə ghəə ghən, ghəə a tii ghə n ngii mɔm ghə n fə̀ŋ, ghə n bəb tə Pita nsə ngəd tə loʼ tey nə̀, “Waazə ghə, ghey i nya jiə tsu ngee?”

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 27:37

Ghey â dzəŋi loʼ aghə̂ nbɔm n bəghə nsə ghəm mə nsəghəmbəghə nsə ghii mə ntuubə fu tii nə kəfən.

Kəfwaʼ 3:23

Wù wey tə i zow way ghəə ghey wù tûm wey dzanə, Zə̀ kə i dzaw nuu shi bə wi n fəŋŋə kə ghə̂ a wi, tə ləŋi maʼa wi.’

Kəfwaʼ 4:4

À kee loʼ nə̀ ndəmə ghə̂ ghey ghə â zownə ghɔɔmə i ghə zə, n bəghəm fuu. Taŋ a ghə̂ ghey ghə â bəghəmnə tə Yeso n dzəŋi nyiə kɔʼɔ ndow təkam tətaa.

Kəfwaʼ 7:14

Ambə Yosef dii ndownə wû u wi wə, tə n daŋŋə tûm tɔŋɔ bə bày wi Yakɔb nsə tyəm a ndaw a wi ghə adzəm. Ghə n dzəŋi lo aghə̂ nghəm nsəghəmbəghə nsə ghə̂ ghə ataa.

Roma 13:1

Aghə̂ adzəm khə ni zow tə ghə̂ ghey ghə loʼnə tow wə inaʼ n təŋkey, ghə way fu n daʼa kə ghə. À loʼ Kəzə̀ tə tsuʼ naŋa ghə nə ghə i saʼa ghə̂ ghə.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Pita 3:20

À wən â loʼ zay u ghə̂ ghey ghə â zow way tə Zə̀ kə n nəŋə zey tə â kownə fə̀ŋ ni ləmə n tsuʼu mey Noa â bəghənə fə̀n kə wi kə. Zə̀ kə â bəghəshi kə sə fə aghə̂ tii n fən kə tii kə. Â loʼ kə aghə̂ ifam Zə̀ kə â bəghəshinə n mmuu n tii mə.

Chi dii 16:3

Tsəndəghə Kəzə̀ zey nə ulii ubəghə n feeli maʼa ndow bɔm wi n nali kə dzuu. Mmuu mey n nali kə dzuu kə tii kə n doʼo bə tə a loʼ kaŋ tə wù kpuu, fə wey udzəm u loʼnə utaw fu tii n dzuu n kpu tsu soʼo.