Kəfwaʼ 2:40 - Kaa n Kəzə̀ n fəghə mə

⁴⁰ Pita n tsə̀ ghə n ndəmə təghɔɔmə, buʼ ghə n wɔɔ kə nə̀, “Bəghəshi na wû i ghaa zə n mbi i bəbə zən.”

Kəfwaʼ 2:40 Mawu Ofanana

Matyo 12:34

Zuu tə bəbə tə tə̀ a loʼ ghaa! Ghaa loʼ ngee ni khəə ghəə a dzuŋu ghə nə̀ ghaa loʼ ghə̂ a bəbə ghə ə? N təŋkey wù bɔɔmə khəə shiə bə kə ghəə ghey a luu doʼonə n fə̀ŋ ə wi.

Matyo 16:4

Ghə̂ a bəbə ghə nsə ghə nəb ityim a num tə tən, ghaa bəbə bə ghə i faalə zə tə̀ mə! Ghə i faalə i loʼ i kəm way dzə tə̀ ghaa tsəghəshiə way ghə i faalə zey zə â shinə tə̀ Jona.” Ambə tə dza tsu sey, tə n daŋŋə zəghə tsu ghə, nuu i ndòw.

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Matyo 23:33

Ghaa bəbə tə a loʼ təzuu! Ghaa loʼ waa ghə ufwey! Ghaa moʼlə nə̀ ghaa i loʼnu ni tyi nə̀ kə Zə̀ kə nə tûmnə ghaa n luʼu key ghə̂ a fəʼlənə tii ə?

Malakus 8:38

Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

Tùm i dzuŋu zə kuum Yeso Klisto tə Jɔn â tɔɔnə 21:25

Ndəmə ndəmə tə aghəə tə loʼ tə loʼnu Yeso â ghəŋə nə̀ ghə â ka tɔ̀ɔ naŋa. Abə ghə â tɔ̀ɔ may tsuunə ghəə ghey Yeso â ghəŋənə, tə buʼ kə mə way ni naŋa maʼlə u tii wə fa n mbi.

Kəfwaʼ 10:42

Tə n dza nə̀ ghey i naʼlə ndow tûm i dzuŋu zə tə ghə̂ ghə, təmi tiilə ndow soʼo tə̀ ghə̂ ghə nə̀ tə loʼ wù wən Zə̀ kə naŋa nə̀ tə i saʼa ghə̂ ghən ghə loʼnə utaw nsə a ghən ghə kpu dzənə.

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 20:11

Tə n daŋŋə nuu dzəŋŋə kɔʼ ndow ibam n ndaw zey idəŋ, ndow zə̂ kɔʼ baa K-a-zə̀ ghi dzûmə tə Klisto tey fu, ghɔɔmə aghəə ghi ghə sa, tsuʼ wə n zow nyi bə. Tə n daŋŋə zəghə tsu ghə, nuu ndow.

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 20:9

Waa fəghaŋ u num u loʼ wə ghə â tɔŋŋənə wi nə aloʼ Yutikus n doʼ fu n zay kə ndaw. Ambə Pɔl sə khəə nduŋŋə ndow kə ghəə ghə, waa wey n kaʼ ndow ni dzoʼ bweeli. Tə n dzoʼ bweeli kə sa, baa bweeli nuu indow. Nghee tə̀ mbweeli tə tsəghəshi tsunə wi, tə n nuu bwù shi tsu bə aghəd n zay kə ndaw. Luʼu key tə â bwu shi tsu bənə tii â loʼ təndaw tətəghə tə doʼo kuulə kɔʼ ndownə. Ghə n bə boʼo kɔʼ wi nə tə n kpu.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

2 Kɔrint 5:20

Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

2 Kɔrint 6:17

Sey, Mûkəbii dza nə̀, “Nuu shi bə na n fəŋŋə kə ghə, Ghaa doʼo bə n nəŋ. Kə̂ ghaa nə̂ kuunə wɔɔ a ghaa ghə nə udzə̂, Mə i daŋŋə kpii ney ghaa.”

Galeshia 5:3

N dza n tɔʼ dza kpiʼi bə nə̀, wù wən tə bəghəmnə nə̀ ghə səghə tyi kə wi, i sey dii nə̀ tə bəghəm soʼonu ni naŋa may ulaŋ udzəm.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

1 Tesalonika 2:11

Ghaa khənu nə̀ ghey muu ghi ghaa tə̀ bày waa nə̂ muunə ghi waa a wi ghə.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.