Kəfwaʼ 2:4 - Kaa n Kəzə̀ n fəghə mə

⁴ Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 2:4 Mawu Ofanana

Matyo 10:19

Abə ghə i kwu fuu nuu ndòwnə ghaa, kə̂ ghaa nə fəmmənə wû i ghaa zə nə̀ ghaa i sə̀ ghɔɔmə ngee nkee ghaa i dza ndòw nə̀ ngee, n təŋkey, Bày ghaa wən tə loʼ idəŋ î kuu bə ighɔɔmə n dzuu i ghaa n nəŋə i tii zə.

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Lukas 1:15

Zə î doʼlə sey, n təŋkey, tə î bə doʼlə wù nii wə n sə kə Mûkəbii. Kə tə nə məənə nlə n tawmə nkee fə u taw wə. Ni ney nuu bə n ji i wi, Zay kə Zow kə nə lòʼ n kow wi.

Lukas 1:41

Ambə Elisabet zow tsunə tɔŋɔ zow i Maria zə, waa n soʼlə tsu n nəghə u wi. Zay kə Zow kə n tsu bə n kow wi.

Lukas 1:67

Sey, Zay kə Zow kə n tsu bə n kow bày wi tɔŋɔ Zakalia, tə n kaʼ ni ghɔɔmə dza,

Lukas 12:12

Təŋkey Zay kə Zow kə i diinu tə̀ ghaa, ghəə zey ghaa khənə ni dza.”

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Lukas 4:1

Ambə Yeso nuu dzəŋŋə bənə n dzuu Jordan, Zay kə Zow kə n loʼ ghi wi, kə n taali ndòw wi n mbvən ə ntsaŋ.

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 20:22

Ambə Yeso dza tsunə sey, tə n zày ndow n kow ghə, dza tə̀ ghə nə̀, “Ney na Zay kə Zow kə.

Kəfwaʼ 1:5

Jɔn a fuu mmuu n Kəzə̀ nə mmuu, a kee loʼ nə, a loʼ kə ghə zə ntsuʼu, Zə̀ kə i fuu ghaa n Zay kə Zow kə.”

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 10:46

N təŋkey ghə â zow ghə, ghə ghɔɔmənə lii tə təghɔɔmə tə, fuu ukali tə Zə̀ kə. Pita n daŋŋə ghɔɔmə shi kɔʼ nə̀,

Kəfwaʼ 10:47

“N khənu nə wù loʼ way dzə fa tə loʼ ni tuu nə̀ ghə̂ ghən ka ney mmuu n Kəzə̀ mə nə mmuu n təŋkey, ghə n keeli soʼo Zay kə Zow kə tə a loʼ saa.”

Kəfwaʼ 11:15

Ambə n kaʼ ni ghɔɔmə, Zay kə Zow kə n bɔɔmə tsu bə n kow ghə ighələ tə kə â tsu bənə n kow ghey nə nzeyyə.

Kəfwaʼ 11:24

Banabas â loʼ wù dzuŋu, Zay kə Zow kə n loʼ ghi wi naʼ idzəm, tə n ngii khə soʼo bəghəm i fə̀ŋ. Sey, tə n loʼ ni naʼa tûm i dzuŋu zə n jìi zey i ghəŋŋənə nə̀ ndəmə aghə̂ a kweyyə nuu bə n ghəə a bəbə ghə, ghə bəghəm tə Mûkəbii.

Kəfwaʼ 13:52

Dzûmə tey n Antyɔk n ngii khə iduʼlə, Zay kə Zow kə n loʼ soʼo ghi ghə.

Kəfwaʼ 13:9

Zay kə Zow kə n loʼ n kow Sɔl wən ghə â tɔŋɔ soʼonə nə a loʼ Pɔl naʼ idzəm. Tə n sɔʼ laalə ndow Elimas dza tə wi nə̀,

Kəfwaʼ 15:8

Zə̀ kən kə khənə nghee tə̀ fə̀ŋ ə wù loʼnə tii, n fuu ghə n Zay kə Zow kə, ighələ tə̀ tə â fuunə tə saa ni diinə tə n bəghəm naŋa soʼo ghə tə a loʼ ghə̂ a wi.

Kəfwaʼ 19:6

Ambə Pɔl gaʼ tsu wɔɔ a wi ghə n tow u ghə, Zay kə Zow kə n daŋŋə nyi tsu n kow ghə. Ghə sey daŋŋə zeynu ni ghɔɔmə n ghɔɔmə tə naʼa tə nuu tə, dza ndow soʼo ghəə ghey a nuu bənə n wɔ Zə̀ kə.

Kəfwaʼ 2:11

Saa a loʼ a nuu bə n Krit nsə nə Arebya, saa a loʼ ghə u loʼ ghə̂ a Təjuu ghə nsə ghə̂ a tətùm ghən ghə bəghəmnə tə ghəə a Kəzə̀ a Təjuu ghə. Saa adzəm, saa u loʼ ni zow ghə ghɔɔmənə n ghɔɔmə tə saa tə, tiilə dza bə ghəə a səŋi ghey Zə̀ kə ghəŋənə.”

Kəfwaʼ 2:3

Ghə n koʼ ndow fə kə loʼ kə tə a loʼ nyim kə uvələ, kə n dzawwə nyaʼa doʼo ndow n tow kə kay wù.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 4:8

Zay kə Zow kə n nyi bə n kow Pita, tə n beeli ndow ghə nə̀, “Tsoʼ tə inaʼ tə nsə ngəd tə inaʼ tə!

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Kəfwaʼ 6:5

Ghə̂ adzəm n ngii ləghə saalə kən ngəd tə Yeso tə fuu bənə. Sey, ghə n sày kɔʼ Sitifən, tə a ngii khə bəghəm i fə̀ŋ zə, Zay kə Zow kə n loʼ soʼo n kow wi. Ghə sày kɔʼ soʼo, Filip, Prokorus, Nikanɔ, Timɔn, Paminas, nsə Nikɔlɔs tə â nuu bənə n Antyɔk tə â bəghəm tsəghə dzənə tə ghəə a Kəzə̀ a ghə̂ Təjuu ghə.

Kəfwaʼ 6:8

Sətifən â loʼ wù nə Zə̀ kə n fuu wi n ndzuŋ nsə daʼa kə naʼ idzəm. Tə n ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂.

Kəfwaʼ 7:55

Zay kə Zow kə n fəd nyi bə n kow Sətifən naʼ idzəm, tə n laalə kɔʼ ndow idəŋ. Ambə tə laalə kɔʼ ndownə idəŋ, tə n koʼ ndow ghaʼ i Kəzə̀ idəŋ nsə Yeso tə teynə fu n kpi u Kəzə̀ u təmmə wə.

Kəfwaʼ 8:17

Sey, Pita ghi Jɔn n gaʼ ndow awɔɔ n tow u ghə, Zay kə Zow kə n daŋŋə nyi ndow n kow ghə.

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 13:1

Abə n loʼ ni ghɔɔmə, ghɔɔmə tə naʼa tən fa mbi tədzəm nkee ghɔɔmə tən tsətəndəghə tə Kəzə̀ tə ghɔɔmənə, kee dii way ləghə zə tə̀ ghə̂ ghə, n sey maŋ loʼ tə à loʼ fəngəghəm fə fuŋunə kənunu nkee tə̀ a loʼ mbəŋŋə i fuŋunə kənunu.

1 Kɔrint 13:8

Tûm Kəzə̀ zən ghə̂ naʼlənə nə maynu, lii tə təghɔɔmə tən ghə̂ a ghɔɔmənə nə bə maynu, tɔb wən fa mbi nə may tsəghə soʼonu, à kee loʼ nə̀ ləghə i nə may koʼ way.

1 Kɔrint 14:18

N fuu zɔŋŋə K-a-zə̀ nə̀ Zay kə Zow kə n fuu mə n daʼa kə ni ghɔɔmə lii tə təghɔɔmə tsəghəshi ghaa adzəm.

1 Kɔrint 14:5

I mə loʼ ni doʼo ghə i dzuŋu zə abə ghaa adzəm, ghaa mə loʼnə ni ghɔɔmə lii tə təghɔɔmə tə, a kee dzɔb tsəghəshi abə ghaa mə loʼ ni naʼa tûm Kəzə̀. I loʼ nə̀, wù wey tə naʼlənə tûm Kəzə̀ n dzəŋi kə dzûmə tə Klisto tsəghəshi wù wey tə ghɔɔmənə n lii tə təghɔɔmə, a may kə nə̀ wù loʼ loʼnu fuu tə loʼnə ni tɔʼ tiilə dza lii tə təghɔɔmə tən n dzəŋi kə dzûmə tə Klisto ni ghəŋə nə̀ bəghəm i fə̀ŋ i ghə zə i taw.

Efesus 3:19

Nsə sey, ghaa i loʼ ni tɔʼ zowkeeli tsu ləghə i Klisto zən i tsəghəshinə tɔb wə udzəm, sey nə̀ ghaa i loʼ ni keeli mwam u Kəzə̀ udzəm.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.