Kəfwaʼ 2:30 - Kaa n Kəzə̀ n fəghə mə

³⁰ À kee loʼ nə tə â loʼ wù tûm Kəzə̀, tə khə nə̀ Zə̀ kə mâ təb naŋa ghəə ghə tə wi, zə̂ nkaa nə i naŋŋə waa waa Devid u loʼ wə, tə i saʼa dzɔbənə ghə̂ a wi ghə tə a loʼ Devid.

Kəfwaʼ 2:30 Mawu Ofanana

Matyo 22:43

Tə n bəb ndòw tə̀ ghə nə̀, “À kee loʼ kee Zay kə Zow kə â ghəŋə nə̀ Devid tɔŋɔ wi nə a loʼ ‘Mûkəbii’ ə? Devid n dza,

Matyo 27:35

Ghə n daŋŋə ney baa kɔʼ wi n zat kə fəkaʼ, dzawwə tsu ndzə̂ tə wi n wû i ghə nə̀ ghə təm tsu mboʼ.

Malakus 12:36

Lòʼ sey nə̀ Devid â dza n daʼa kə Zay kə Zow kə bòʼ Klisto nə̀, ‘Yawe â dza tə̀ Mûkəbii wuŋ nə̀ Doʼo tsu n kpii wuŋ u təmə wə Ni ndòw kuum n nəŋŋə zey mə i ney naŋŋə bənə ghə̂ a təngəmə ghə ghə̀ n tənə ifuu zə.’

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Roma 15:12

I tɔ̀ɔ doʼo soʼo n màʼlə kə wù tûm Kəzə̀ Ayzaya nə̀, “Wù i shiə bənu n sali i kəbii i Jese, Tə nə bə saʼa ghə̂ ghən ghə way ghə̂ a Təjuu ghə Ghə̂ ghən ghə way ghə̂ a Təjuu a nə laalə kɔʼɔ ndow kə tə wi.”

2 Timoti 2:8

Keeli tsu nə̀ Zə̀ kə â zhəm dzəŋŋə bə Yeso Klisto wən tə loʼnə waa waa fɔ̀ɔ Devid nə ivə. À wən loʼ tûm i dzuŋu zən n naʼlənə.

Hibru 1:1

Sə̂ isə, Zə̀ kə â ghɔɔmə tə̀ ghə bày bày a saa ghə n ndəmə tə tənəŋə nsə n ndəmə tə təjìi n bam i tûm tə Kəzə̀.

Hibru 3:7

Sey, tə Zay kə Zow kə dzanə nə̀, “Abə ghaa zow tsunə ghɔɔmə i Kəzə̀ zə n tsuʼ fə na fən,

Hibru 4:7

Zə̀ kə n kəm naŋa kpiʼi tsu tsuʼ fə nuu fə, tə n tɔŋɔ tsu tsuʼ fə tii fə nə̀, “Na.” Ambə num tə tsəghə tsunə n ndəm, tə n ghəŋə tsu nə̀ fɔ̀ɔ Devid dza bə ghəə a tii ghə tə i tɔ̀ɔ doʼonə n màʼlə K-a-zə̀ nə̀, “Abə ghaa zownə ghɔɔmə i Kəzə̀ zə na, Kə ghaa nə tawwə naŋanə fə̀ŋ tə ghaa tə.”

Hibru 6:17

Zə̀ kə â ləghə ni tɔʼ dii ndow tə̀ ghə̂ ghey tə â təb naŋanə təb kə tə̀ ghə nə̀ tə bwuulə maʼa way təb kə wi kə. Sey, tə n zə̂ kɔʼ nkaa n təb kə tii kə.

Hibru 7:21

Yeso â kee doʼo fɔɔngili nə̀ Zə̀ kə zə̂ kɔʼ nkaa. Zə̀ kə n təb naŋa tsu tə̀ wi nə̀, “Mə Mûkəbii n kaa, Mə i kweyyə soʼo way nə̀, ‘Wə i doʼlə fɔɔngili nə tənəŋə tədzəm.’”

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 19:16

Zəd i tii zə â tɔ̀ɔ doʼo n saŋ ə wi nsə n bey kə wi. Zəd i tii i loʼ nə à loʼ, “Dəŋ kə udəŋ nsə nə Mûkəbii tə ghə Mûkəbii adzəm.”