Kəfwaʼ 2:24 - Kaa n Kəzə̀ n fəghə mə

²⁴ Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:24 Mawu Ofanana

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Tùm i dzuŋu zə kuum Yeso Klisto tə Jɔn â tɔɔnə 10:18

Wù way ni wey maʼa mə nə̀ a ka mə bəghəm, à kee tsəm tsu mə ni fuu nuu ndòw muu zuŋ. N khənu daʼa kə tii kə ni fuu, khə soʼo daʼa kə tii kə ni ney dzəŋŋə. À loʼ Bày wuŋ tə fuunə mə n laŋ kə nə̀ n loʼ ni ghəŋə sey.”

Tùm i dzuŋu zə kuum Yeso Klisto tə Jɔn â tɔɔnə 10:35

Ghaa khənu nə̀ ghɔɔmə i Kəzə̀ i kwey way. Abə Zə̀ kə â loʼ ni tɔŋɔ ghə̂ ghey ghə â zəllənə ghɔɔmə i wi zə nə̀ ghə loʼ uzə̀,

Tùm i dzuŋu zə kuum Yeso Klisto tə Jɔn â tɔɔnə 12:39

À wey loʼ ghə i tii zə ghə â way ni bəghəm fuu ghɔɔmə i tii zə kùm nə̀ wù tûm Kəzə̀ Ayzaya mâ dza naŋa soʼo nə̀,

Tùm i dzuŋu zə kuum Yeso Klisto tə Jɔn â tɔɔnə 20:9

Tə ghəə ghən ni shi, ghə â ka kam tɔʼ zowkeeli ghɔɔmə i Kəzə̀ zey i dza nə̀ Yeso khə ni zhəm dzəŋŋə bə nə ivə.

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Kəfwaʼ 13:30

Zə̀ kə n kee ghəŋŋə nə̀ tə zhəm dzəŋŋə bə nə ivə.

Kəfwaʼ 13:37

À kee way dzə ighələ ghi Yeso, n təŋkey, Zə̀ kə a zhəm dzəŋŋə bə wi nə ivə nə tə ka fway dzə nə isay.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 4:10

n dza n dza bə tə ghaa adzəm nsə ghə̂ ghə Izree ghə adzəm nə a loʼ n zəd i Yeso Klisto, wù Nazaled, wù wən teynə fa n sə kə ghaa nə tə n taw doʼo bə. Ghaa â baa Yeso wən n zat kə fəkaʼ, Zə̀ kə n kee zhəm dzəŋŋə bə wi nə ivə.

Kəfwaʼ 5:30

Zə̀ kə kən ghə bày a saa â ngɔɔmə tsənə â zhəm dzəŋŋə bə Yeso wən ghaa â weynə wi nə ghaa baa n zat kə fəkaʼ.

Roma 10:9

I loʼ nə̀, abə wə loʼ ni dza shi bə n dzuu zə zə̀ nə̀, “Yeso loʼ Mûkəbii.” Bəghəm kɔʼ soʼo n fə̀ŋ zə nə̀ Zə̀ kə zhəm dzəŋŋə bə wi nə ivə, Zə̀ kə i bəghəshi wɔ.

Roma 14:9

Klisto â kpuu, kəm zhəm dzəŋŋə bə sey nə̀ tə i loʼ mûkəbii tə ghə̂ ghən ghə loʼnə utaw nsə ghə̂ ghən ghə kpuu dzənə.

Roma 4:24

Ghə â tɔ̀ɔ soʼo tə saa, ghən Zə̀ kə nə neynə saa nə̀ saa loʼ tsətsəghə n təŋkey saa bəghəm tə̀ wù wey tə â zhəm nuu dzəŋŋə bənə Mûkəbii saa Yeso nə ivə.

Roma 6:4

Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

1 Kɔrint 15:12

Saa fa naʼlə kaabə tsə nə̀ Zə̀ kə mâ zhəm dzəŋŋə Klisto nə ivə, a kee loʼ kee ghə̂ a loʼ ghə n fəŋŋə kə ghaa dza kaabənə nə̀ ghə̂ a way ni zhəm dzəŋŋə nə ivə ə?

1 Kɔrint 15:15

I sey dii nə̀ ghəə a Kəzə̀ ghən ghey naʼlənə loʼ ghəə a taw ghə n təŋkey ghey naʼlə nə̀ Zə̀ kə a zhəm dzəŋŋə bə Klisto nə ivə. Abə i ndzəm loʼnə isəŋə nə̀ ghə̂ a zhəm dzəŋŋə way nə ivə, i sey dii nə̀ Zə̀ kə â kaa zhəm dzəŋŋə soʼo Klisto nə ivə.

1 Kɔrint 15:20

Isəŋə kee loʼ nə̀, Zə̀ kə mâ zhəm dzəŋŋə bə Klisto nə ivə, dii tsu nə̀ ghə̂ a kpu ghə i zhəm dzəŋŋə bə soʼonu nə ivə.

1 Kɔrint 15:4

I tɔ̀ɔ doʼo soʼo n màʼlə K-a-zə̀ nə̀, tə â kpu tsunu, ghə n tsəllə tsu wi, ambə tsuʼu n tsəghə tsunə ntəghə, Zə̀ kə n zhəm dzəŋŋə bə wi nə ivə.

1 Kɔrint 6:14

Zə̀ kə i zhəm dzəŋŋə bə saa nə ivə n daʼa kə wi, ighələ tə̀ tə â zhəm dzəŋŋə bənə Mûkəbii nə̀ ivə.

2 Kɔrint 4:14

Ghey ghəə ghən ghəŋŋə n təŋkey, ghey khənu nə̀ Zə̀ kən kə â zhəm dzəŋŋə bənə Mûkəbii Yeso nə ivə, tə i zhəm dzəŋŋə bə soʼonu saa nə ivə. Tə i ney kɔʼ ghey ghi ghaa, tə naŋa bə n səə wi.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 1:20

kə key tə â diinə n kow Klisto nghee tə â zhəm dzəŋŋə bənə wi nə ivə. Ney naŋa kɔʼ wi n kpii u wi u təmə wə n fɔ̀ɔ u wi idəŋ.

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.