Kəfwaʼ 2:23 - Kaa n Kəzə̀ n fəghə mə

²³ Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 2:23 Mawu Ofanana

Matyo 20:19

Ghə i ney fuu tsəʼlə ndòw wi tə̀ ghə̂ ghey ghə bəghəm way tə̀ Zə̀ kə, ghə i tsoʼ wi, ghə lənnə wi, ghə bwɔd, ghə baa wi n zat kə fəkaʼ. A i bə nə ntsuʼ ntəghə, Zə̀ kə i zhəm dzəŋŋə bə wi nə ivə.”

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Matyo 27:35

Ghə n daŋŋə ney baa kɔʼ wi n zat kə fəkaʼ, dzawwə tsu ndzə̂ tə wi n wû i ghə nə̀ ghə təm tsu mboʼ.

Malakus 15:24

Ghə n daŋŋə baa tsu wi n zat kə fəkaʼ, dzawwə tsu ndzə tə wi n wû i ghə nə̀ ghə təm mbuʼ ni keeli bad key kay wù khənə ni ney.

Lukas 22:22

Waa wù sɔŋtsuʼ î kpuunu tə̀ Zə̀ kə â dza zey. Ngoʼ i faalə i kee loʼ tə̀ wù wey tə təminə tsə̀m n tow kə wi.”

Lukas 22:37

Kùm nə nəŋə zə n kpi tə ghə zey i tɔ̀ɔ doʼo n màʼlə K-a-zə̀ bòʼ mə nə̀, ‘Ghə â təm naŋa dzəŋi wi ghi ghə̂ a bəbə ghə’ ni ney kəbənə. Boʼnə, ghə zey i tɔ̀ɔ doʼonə n màʼlə K-a-zə̀ bòʼ mə̀ khə ni kuʼlə bə shi.”

Lukas 23:33

Ambə ghə kɔʼ nyinə n luʼu key ghə â tɔŋŋənə nə̀ a loʼ “Kaŋ k-a-tow”, ghə n baa kɔʼ Yeso fu n zat kə fəkaʼ ghi ghə a tsɔŋɔ ghey abəghə. Umɔʼ n kpii u wi u təmə wə, u loʼ wey n kpii u wi u kwɔɔ wə.

Lukas 24:20

Ghə fɔɔngili a nii ghə nsə ngəd tə inaʼ tə ghey tə n ney fu nuu ndòw wi nə ghə tsəʼlə saʼ ni wey wi. Ghə n baa tsu wi n zat kə fəkaʼ.

Tùm i dzuŋu zə kuum Yeso Klisto tə Jɔn â tɔɔnə 19:18

Ghə n baa kɔʼ Yeso n zat kə fəkaʼ fu tii. Baa dzəŋi kɔʼ ghə̂ a tsɔŋɔ a loʼ ghə n tey tə bow tə wi abəghə, umɔʼ n kpi kə wi kə zəə kə, u loʼ wey n kpi kə wi kə kwɔɔ kə.

Tùm i dzuŋu zə kuum Yeso Klisto tə Jɔn â tɔɔnə 19:24

Ghə n dza n wû i ghə nə̀, “Kə̂ saa nə baalə maʼanə tə tən, saa təm tsu mboʼ ni koʼ wù wey tə dza i keeli.” Ghəə ghən â shi ni luulə ghə zey i tɔ̀ɔ doʼo n màʼlə K-a-zə̀ nə̀, “Ghə n dzawwə tsu ndzə tuŋ n wû i ghə, Nə̀ ghə təm mboʼ ni keeli wù wey tə dza i ney sàŋ zuŋ.” À wən bɔɔmə loʼ ghəə zey sawgoʼ tə a ghəŋənə.

Kəfwaʼ 13:27

Ghə̂ ghən ghə â muunə n Yerosalem nsə ghə̂ ghey ghə laalənə ghə, ghə â ka koʼ keeli dzə nə̀ Yeso loʼ wù wən Zə̀ kə â dza naŋa nə̀ i tûm bənu, ghə n zowkeeli soʼo way ghɔɔmə i tûm tə Kəzə̀ tən ghə â mgbaŋa tɔŋɔ dza tsənə tə̀ ghə n tsuʼu mə inaʼ n dzəm. Ghə n fəd luulə ghəə ghən tûm tə Kəzə̀ tə â tɔ̀ɔ naŋanə nghee ghə â wey tsu Yeso.

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 3:18

À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Kəfwaʼ 4:28

Ghə â təmdzəŋi bə ni maŋ ghəŋə ghəə ghey wə â khə bayyə naŋa dzənə n daʼa kə nsə n ləghə zə nə̀ a khə ni bə shi.

Kəfwaʼ 5:28

Ghey mâ tɔʼ kii naŋa ghaa nə̀ kə̂ ghaa nə̂ kəm dii ghə̂ ghə n ghəə ghə n zəd i wù wən, ghaa u nam ndow kə n sə̂ kə ni dii ghəə ghə kuum wi n naʼ i Yerosalem idzəm. Ghaa ləghə ni ghəŋə nə̀ i doʼo tsu nə̀ ghey khə kəwɔɔ n və i wi.

Kəfwaʼ 5:30

Zə̀ kə kən ghə bày a saa â ngɔɔmə tsənə â zhəm dzəŋŋə bə Yeso wən ghaa â weynə wi nə ghaa baa n zat kə fəkaʼ.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

Roma 2:12

Ghə̂ ghən ghə ghəŋŋə ghəə a bəbə ghə lo sey nə̀ ghə khə way laŋ kə Mushi kə, Zə̀ kə i chɔdlɔ ghə n bəb zey ghə gheŋŋənə, nghee ghə tsəm bùʼ khə kə way Laŋ kə Mushi kən. A kee bə ghə̂ ghən ghə ghəŋŋənə ghəə a bəbə ghə nə̀ ghə khənu laŋ kə Mushi kə, Zə̀ kə i saʼa ghə nə̀ tə dzûmə kəlaŋ.

Roma 4:17

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

1 Tesalonika 2:15

À loʼ ghə̂ a təjuu ghən ghə â weynə Mûkəbii Yeso nsə tûm tə Kəzə̀ tə, dzùm nuu shi soʼo ghey n ndəmə tə tənaʼa. Ghə ghəŋŋə dzə way ghəə ghey a dzɔbənə n sə K-a-zə̀, ghə u baa soʼo ghə̂ ghə adzəm fa mbi.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.