Kəfwaʼ 2:20 - Kaa n Kəzə̀ n fəghə mə

²⁰ Ləm kə i nuu bwu tsu inaʼ, tsə i kəm taw way, Ndzɔŋ i nuu bàŋ doʼo tsu tə a loʼ təkaŋ. Tə tsuʼ fə nii nii fey Mûkəbii i saʼanə mbi tii ni bə, a i loʼ nə̀ ghəə ghən adzəm n ney dzə bənə kə.

Kəfwaʼ 2:20 Mawu Ofanana

Matyo 24:29

Abə tsuʼu mə nchɔd mən î daŋŋə may tsunə, tsə̀ i nəmə nuu nyi ndow, ndzɔŋ i kəm baŋa way, səghəbələ mə i bwu shi tsu bə aghəd, daʼa wey u loʼnə n bikighow i noʼlə kaabə tsə soʼo.

Matyo 27:45

Ambə n fəŋ ə tsə̀, ləm kə n bwu bə nə inaʼ idzəm ndòw kuum ndòw nə tənəŋə tətəghə n tsə̀ tə.

Malakus 13:24

Yeso n ndow n sə kə dza tə̀ ghə nə̀, “Abə tsuʼu n ngoʼ mən mə i tsəghə tsunə, ‘Tsə̀ i nəmə nyi ndow, ndzɔŋ i way ni kəm bàŋ,

Lukas 21:25

Ghə̂ a nə koʼo tsəə tə faalə tə nə inyi, n ndzɔŋ nsə nə nsəghəbələ. A fa n ghəlikətsə, ngoʼ nsə tsəŋ i nə nyi nə tənaʼa bòʼ tuŋutuŋu tə nali kə dzuu, tə kwɔɔ bənə.

Kəfwaʼ 2:19

Mə i dii tətsəə n bikighow N dii ghəə a faalə ghə n ghəlikətsə, Ghaa i koʼ təkaŋ inaʼ, naʼ zə i fəə, nyoʼ kə i dzəə təluʼu.

Kəfwaʼ 2:21

Wù wey tə i tɔŋɔnə zəd i Mûkəbii zə nə̀ tə gaamə wi, Zə̀ kə i bəghəshi wi.’”

1 Kɔrint 5:5

N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Chi dii 16:8

Tsəndəghə Kəzə̀ zey nə ulii ukaykə n feeli maʼa shi ndow bɔm wi n kow inyi, ghə n zəghə inyi nə̀ i zuʼ maʼa kɔʼ aghə̂ nə uvələ.

Chi dii 6:12

Mə n daŋŋə koʼ ndow Waa Nji zey i zhwey nuu kɔʼ mə̀ŋ zey nə lii utuubə, ghəlikətsə kə n noʼlə tsu nə kədaʼa, nyî zə n nuu ləŋ tsu tə a loʼ ndzə̂ tə ivə, ndzɔŋ n baŋa tə a loʼ təkaŋ.