Kəfwaʼ 2:17 - Kaa n Kəzə̀ n fəghə mə

¹⁷ ‘Zə̀ kə dza nə̀, n tsuʼu n guŋŋə mən, à wən loʼ ghəə ghən mə i ghəŋŋənə Mə i fuu Zay kuŋ tə ghə̂ ghə adzəm. Waa a ghaa a num ghə nsə a zən ghə i naʼlə ghɔɔmə zuŋ zə. Ghaŋ fə num fə i koʼo zey ghəə ghə, Ghə̂ a dənə ghə i keeli jim mə.

Kəfwaʼ 2:17 Mawu Ofanana

Lukas 3:6

sey ghə̂ a mbi adzəm i koʼ nghee tə Zə̀ kə bəghəshiənə ghə̂ ghə tii.’”

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 11:28

Zay kə Zow kə n ghəŋŋə nə̀ wù ghə umɔʼ ghə â tɔŋŋə nə̀ a loʼ Agabus tə nuu təmi kɔʼ, tə dza naŋa zey ndow nə̀ dzəŋ i faalə zə i nyiə bənu n naʼ i Roma nsə n naʼa tey tə loʼnə n tənə ghə. Dzəŋ i faalə zə n bɔɔmə ndow bə n num key Klodius a loʼnə də̀ŋ kə.

Kəfwaʼ 2:16

I loʼ nə̀, a wən loʼ ghəə ghən wù tûm Kəzə̀ Juwel â naʼa naŋa zey dzənə nə̀,

Kəfwaʼ 2:18

N tsuʼu n tii mə, mə i fuu soʼo zay kuŋ tə ghə̂ a kəfwaʼ ghuŋ a num ghə nsə a zən ghə, Ghə nə naʼlə ndow ghɔɔmə zuŋ zə.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 21:9

Wù wən n khə waa a wi a zən ghə akaykə nə ghə khə way num ghə. Fwaʼ kə ghə kə â loʼ ni dza ghəə ghey Zə̀ kə dza bənə.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Jems 5:3

Tsaʼ tə ishɔ̀lɔ̀ nsə tsaʼ tə itsaa tə ghaa tə n dzî doʼo. À loʼ dzî tə tii tə, tə i dza fuunə ghaa nə̀ ghaa taw n wɔɔ ghə, tə i fə wû i ghaa tə a loʼ uvəllə. Ghaa maŋa zuŋŋə kəŋŋə bə khəə mən n tsuʼu mən mbi may bənə tii kənunu.

2 Pita 3:3

N ləghə nə̀ ghaa zowkeeli tsu nə̀ n tsuʼu mən mbi may bənə, ghə̂ a loʼ ghə i bəghənu nə̀ ghə muu tən kə muu zey gow uwû ghə ləghənə. Ghə nə tsoʼo ghaa.