Kəfwaʼ 2:14 - Kaa n Kəzə̀ n fəghə mə

¹⁴ Sey Pita n nuu təmi kɔʼ idəŋ ghi tsətəndəghə tə loʼ tey ighəm nsə ghii zə imɔʼ, dza shi kɔʼ n dzə i taw zə tə nɔɔ kə aghə̂ key nə̀, “Waazə ghuŋ ghə, ghə̂ Təjuu ghə nsə ghaa ghən adzəm ghaa muunə n Yerosalem, tɔʼɔ chi kɔʼ na tuŋŋə u ghaa wə ghaa zəllə ghɔɔmə zuŋ.

Kəfwaʼ 2:14 Mawu Ofanana

Matyo 2:1

Ghə â ji Yeso n naʼ i Betelehem n mboʼo Judeya. Â loʼ n nəŋə zey Helɔd â loʼnə də̀ŋ kə tii. Ghə̂ a tɔbə à loʼ ghə n zə̀ghə tsu naʼ i ghə n bad key nyi i shiə kɔʼɔ bənə tii, nyi bə n Yerosalem. Ghə n bəbə bə nə̀,

Kəfwaʼ 1:26

Sey, ghə n təm mboʼ n tow u ghə, zə n bwu ndow n tow kə Matyas, sey tə n təmdzəŋi ndow ngəd tey ighəm nsə ghii zə imɔʼ.

Kəfwaʼ 13:16

Pɔl n nuu təmi kɔʼ, foʼ tsu kəwɔɔ nə̀ ghə doʼo tsu mɔŋ. Tə n ghɔɔmə ndow tə ghə nə̀, “Ghə̂ ghə Izree ghə nsə ghaa ghə̂ tətùm ghən ghaa ngɔɔmənə Zə̀ kə, ghaa zow!

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 21:28

Ghə̂ a tii ghə n buʼlə nbɔŋ, dza tsuu nə̀, “Ohooo Ghə̂ ghə Izree ghə, tɔm bə na ghey! À wən loʼ wù wey tə tsə̀ə bəəbə ghə̂ ghə nə təluʼu tədzəm nə̀ ghə ka i zow tə ghə̂ Izree ghə, ghə ka i naŋŋə laŋ kə Mushi kə, ghə ka i kɔʼlə soʼo ndaw Kəzə̀ ə saa i nii zən. Ghə zey i bəb tsəghəshi tsunə loʼ nə̀ tə baa ney nyi bə ghə̂ ghey ghə way ghə̂ a Təjuu fa n ndaw Kəzə̀ ə saa, ghəŋə nə̀ kə luʼu kən nə kəm zow.”

Kəfwaʼ 5:35

Ambə ghə shi ndownə, tə n dza ndow tə ghə̂ a tsə ghey nə̀, “Ghə̂ a Izree ghə, tɔʼɔ ney na ghə̂mə zə n ghəə zey ghaa ləghə ni ghəŋə n kow ghə̂ ghən.

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?