Kəfwaʼ 19:8 - Kaa n Kəzə̀ n fəghə mə

⁸ Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 19:8 Mawu Ofanana

Kəfwaʼ 1:3

Ambə chɔd u wi u may tsunə, tə n dii ndow wû u wi tə ngəd tə wi tey n ndəmə tətsəə nə̀ ghə keeli tsu nə̀ tə nam loʼ utaw. Tə n dii ndow uwû, ghɔɔmə dzəŋi ndow ghi ghə bòʼ ghə i fɔɔ u Kəzə̀ ni kuum kɔʼ ndow ntsuʼu nghəm nkaykə.

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 18:19

Nghee ghə nyi bənə n naʼ i Efesus, Pɔl n naŋa taʼa tsu Prisila nsə Akwila fu, kee ndow n ndaw kədzəŋi ghə̂ a Təjuu n nəŋə wi, ghɔɔmə fu ghi ghə̂ a Təjuu ghə.

Kəfwaʼ 18:26

Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 19:7

Ghə â dzəŋi loʼ tə a loʼ aghə̂ ighəm nsə ghə̂ ghə abəghə fu tii.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.