Kəfwaʼ 19:34 - Kaa n Kəzə̀ n fəghə mə

³⁴ A n kee bə nghee ghə̂ a tii a keeli tsunə nə̀ tə loʼ wù Juu, ghə n ney kɔʼɔ ndow nəŋə tə izow təbəghə nə ghə dzəŋi buʼlə kə nbɔŋ nə̀, “Atemis zə̀ kə ghə̂ a Efesus taw tsəghə uzə̀ udzəm!”

Kəfwaʼ 19:34 Mawu Ofanana

Matyo 6:7

Abə wə gɔŋŋənə, ka i dza kuulə dzə ghəə ghə kənunu tə̀ a loʼ ghə̂ ghey ghə bəghəm way tə Zə̀ kə. Ghə moʼlə kə nə̀ Zə̀ kə i tɔʼɔ zow gɔŋŋə i ghə abə ghə gɔŋŋə daabənə.

Kəfwaʼ 16:20

Ambə ghə ndow bə n səə ghə̂ a saʼa a təsaʼ ghə n naʼ i Roma, ghə n dza tə ghə nə̀, “Ghə̂ ghən loʼ ghə̂ a Təjuu, à loʼ soʼo ghə, ghə sòʼò kaabənə chɔd wə fa inaʼ.

Kəfwaʼ 19:24

Wù loʼ tə â tsəə tsənə nam kə tsâa zə ishɔ̀lɔ̀, ghə â tɔŋɔ wi nə â loʼ Demitrus, n tsəə tsə fəə n zə̀ kə zən kən ghə â tɔŋŋə nə̀ a loʼ Atemis. Tə â ghəŋŋə ghə̂ a kəfwaʼ ghə n kûm n nam key tə â tsəə nə.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 19:28

Ambə nɔɔ kə aghə̂ key zow tsu ghəə ghən, ghə n fəələ ndow n fə̀ŋ tii, kaʼ tsu bɔŋ n buʼlə mə dza tsu nə̀, “Atemis wən a kɔʼlə fa n Efesus, taw tsəghə uzə̀ udzəm!”

Kəfwaʼ 19:33

Ghə̂ a Təjuu a loʼ ghə n tənnə Alekzanda nə tə shi ghɔɔmə bə aghəə, n təŋkey ghə â koʼ wi nə tə khənu ghə i dza zə. Alekzanda n fòʼlə ndow awɔɔ nə ghə doʼo tsu mɔŋ, tə i tiilə ghəə zey i tsəghənə tə ghə.

Kəfwaʼ 19:35

Wù wey tə â tɔɔnə màʼlə kə fu inaʼ n dəm kə sa buu naŋa tsu bɔŋ n ghə mey, dza tə ghə nə̀, “Ghə̂ a Efesus ghə! À məghə ndee nə a loʼ ghaa ghə̂ a Efesus, ghaa laalənə fəə fə Atemis fə, zə̀ kən kə taw tsəghənə zə̀ wə udzəm ə? À məghə ndee nə a loʼ soʼo ghaa, ghaa laalənə tay i kənyi zey zə â tsɔʼi tsu bə idəŋ ə?

Roma 2:22

Ghaa dza nə̀, “Kə wù nə taa zaʼanə wey wi nkee num wi.” Wû i ghaa, ghaa taa zaʼanu ghey a ghaa ghə nkee num a ghaa ghə ə? Ghaa tuu nə̀ kə ghə̂ a nə ngɔɔmənə muʼu mə, wû i ghaa, ghaa tsiilə neynu fə kə n ndaw tə mmuʼu ə?

Chi dii 13:4

Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”