Kəfwaʼ 19:23 - Kaa n Kəzə̀ n fəghə mə

²³ À wən loʼ nəŋə zey chɔd u nii wə â nuu shi kɔʼnə n Efesus kuum jìi zey i loʼnə i Mûkəbii zə.

Kəfwaʼ 19:23 Mawu Ofanana

Kəfwaʼ 18:26

Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 22:4

Mə â chɔdlɔ tsə ghə̂ ghey ghə â dzûmə jii zən i loʼnə i Mûkəbii zə, buʼ ghəŋə daŋŋə nə ghə kpu. Mə n ghəŋŋə nə̀ ghə i kwɔɔ fii naŋŋə gheynum ghə nsə gheyzən ghə n ndaw tsaʼ.

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 24:22

Feliks n kee loʼ nə tə tɔʼ khə soʼonu ghəə a Jìi zey i loʼnə i Mûkəbii zə, tə n tən naŋa ndow saʼ a tii isə, dza tə ghə nə̀, “Abə Lishyas, tow kə sàʼ kə təsawgoʼ wey i tsu bənə, mə i ndow n sə kə ni saʼ saʼ a ghaa.”

Kəfwaʼ 9:2

dza ndow tə̀ wi nə̀ tə fuu bə wi n màʼlə wey wə i tiilənə wi n ndaw tə udzəŋi tey n Damaskus, sey nə̀ tə kpaʼi koʼ wù loʼ tə dzûmənə jii i Mûkəbii, nə̀ a loʼ kə weynum nkee weyzən, tə n kwu tsu wi, ney bə wi n ndaw tsaʼ n Yerosalem.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

2 Kɔrint 6:9

Ghə ghəŋŋə tə̀ ghə khə way ghey loʼ sey nə̀ ghə adzəm khənu ghey. Ghey loʼ tə̀ a loʼ fə wə i ivə, nə ghey nam loʼ utaw. Ghə̂ ghə a chɔdlɔnə ghey, nam way ni wey ghey.