Kəfwaʼ 19:21 - Kaa n Kəzə̀ n fəghə mə

²¹ Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 19:21 Mawu Ofanana

Kəfwaʼ 16:12

Ghey n zəghə tsu fu, nuu ndow n naʼ i Filipi, zə â loʼnə n tənə naʼ i Roma. Filipi â loʼ naʼ i nii zə n mboʼo Masedonya. Ghey n doʼo kəŋə ndow ntsuʼu fu.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 18:21

A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 19:22

Tə n daŋŋə ney kɔʼ ghə̂ ghey ghə â gaamə bənə wi abəghə, Timoti ghi Erastus, tûm ndow n Masedonya, wû u wi n kee dzə doʼo kəŋə ndow n mboʼo Eshya.

Kəfwaʼ 19:29

Naʼ i tii zə idzəm n daŋŋə təmi kɔʼ nə ifuu. Ghə n kwu kɔʼ Gayɔs ghi Aristakus, ghə̂ a Masidonia ghən ghə a bweynə ghi Pɔl, daŋŋə nyəŋ ndow ghi ghə n ndaw kədzəŋi i nii zey fu inaʼ.

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

Kəfwaʼ 20:22

N nya khə kə ni ndow n Yerosalem tə Zay kə Zow kə diinə, n khə way fə key kə i shiənə fu n kow mə.

Kəfwaʼ 21:17

Ambə ghey nyi ndownə n Yerosalem, dzûmə tə Klisto tey fu n kpii ney kɔʼ ghey nə iduʼlə.

Kəfwaʼ 21:4

Ghey n koʼ tsu dzûmə tə Klisto tə loʼ tə fu, doʼo kəŋə ndow ntsuʼu nsəghəmbəghə fu ghi ghə. Zay kə Zow kə n chimmə kɔʼ ghə, ghə n dza tə Pɔl nə kə wə nə ndow daŋŋənə n Yerosalem.

Kəfwaʼ 23:11

N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 27:24

dza tə mə nə̀, ‘Ka tsəŋ dzə a Pɔl, də̀ŋ kə Rom kə khə ni teeli saʼ wɔ. Boʼnə, fə̀ŋ i dzuŋu zey Zə̀ kə khənə, tə n ghəŋə nə̀ ghə̂ ghey adzəm wə bweynə fa nə kəfən ghi ghə, wù ghə umɔʼ i kpu way.’

Kəfwaʼ 28:16

Ambə ghey bə nyi bənə n Rom, ghə n zəghə tsu Pɔl nə tə muu n ngəŋ ə wi, kee naŋa tsu kə sawgoʼ imɔʼ nə zə i keyyə wi.

Roma 1:11

Zuŋ key n mbuŋənə ni bə n səə ghaa loʼnə mə i loʼ ni kuu fəŋ tə ghaa n naamə kən Zay kə Zow kə fuunə tə mə ni ghəŋə nə̀ bəghəm i fə̀ŋ i ghaa zə i taw.

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 1:15

À wən loʼ ghəə i tii zə n ngii khənə zay ni naʼa tûm i dzuŋu zə tə ghaa ghən ghaa loʼnə n naʼ i Rom.

1 Kɔrint 16:5

Mə i bəghə kə n səə ghaa nə̀ mə n ndow taa dzə n Masedonya, n təŋkey, n moʼlə ni tsəghə jii fu n Masedonya.

1 Kɔrint 4:19

N khənu moʼlə zə ni kuʼlə bə taa fey n səə ghaa abə Mûkəbii kpaʼi bəghəmnə. Abə mə i bənə, mə i kəŋ keeli shi kɔʼ nə̀ ghə̂ ghən ghə ghaŋŋənə wû zə maŋ khə kə idzuu mɔ Zə̀ kə n ndzəm fuu ghə n daʼa kə ə.

2 Kɔrint 10:16

Ghey i loʼ ni naʼa tûm i dzuŋu zən nə təluʼu nə̀ ghə n tsəghə dəŋə tey ghaa loʼnə tii. N dza sey n təŋkey ghey ləghə way ni tsɔb fə̀ŋ n fwaʼ key wù loʼ fwaʼ tsəghə dzənə nə kəluʼu.

Galeshia 2:1

Ambə num tə tsəghə tsunə ighəm nsə num tə təkaykə, mə n kəm nuu kɔʼ dzəŋŋə ndow n Yerosalem ghi Banabas. Mə n ney kɔʼ soʼo Taytus, ndow ghi wi.

1 Tesalonika 1:7

À wey loʼ ghə i tii zə ghaa â doʼo bənə tə̀ a loʼ ghə̂ ghey ghə moʼo diinə ghəə ghə tə̀ ghə̂ ghey ghə bəghəmnə Zə̀ kə n naʼa tə Masedonya nsə Akaya.