Kəfwaʼ 19:16 - Kaa n Kəzə̀ n fəghə mə

¹⁶ Wù wey zay kə bəbə key â loʼnə n kow wi n nuu kwu tsu ghə, taw tsəghə tsu ghə, ghə n tyillə shi fu n ndaw n wû i zum zə, nə ghə loʼ kə fəŋ a fəŋ.

Kəfwaʼ 19:16 Mawu Ofanana

Malakus 5:15

Ambə ghə bə koʼ bənə Yeso ghi wù wey nɔɔ kə zay u bwu wey â loʼnə n kow wi, tə n doʼ fu nə̀ tə n dzəŋə keeli ndzə tə dzuŋu tə, loʼ soʼo n tɔb u wi, ghə n kaʼ ni tsəŋ.

Lukas 8:29

Tə â dza sey təŋkey Yeso ma tsəʼlə laŋ kə nə zay u bwu wey nuu shi kow wi. Ndəmə tənəŋə, zay u bwû u tii wə â bəghə wə n ney nuu ndòw wi, abə ghə kùm naŋa tsu kə wi nə tətsaʼ; ni kpii nsə ni fuu, tə n nam tiillə maʼa istu, vəətsəə a tii ghə n ney shi ndòw wi n mbvən ə ntsaŋ.

Lukas 8:35

Ambə ghə̂ a bənə ni bə kòʼ ghə zey i shinə, ghə n bə kòʼ bə Yeso nsə wù wey Yeso â dzùm shinə zay u bwu wey n kow wi tə doʼnə fuu ghi Yeso nə tə n ndzə tə dzəŋŋə lòʼ dzɔb n tɔ̀b u wi wə̀. Tsəŋ zə n kwu ghə.

Kəfwaʼ 19:15

N tsuʼ fə loʼ fə, ghə n bə soʼo ni ghəŋŋə ghəə ghən, zay kə bəbə kə n fəd dza tə ghə nə̀, “N khənu Yeso, mə n khə soʼo Pɔl, ghaa kee loʼ ghə ndee?”

Kəfwaʼ 19:17

Ghə̂ a Təjuu nsə ghə̂ ghən ghə way ghə̂ a Təjuu ghə adzəm, ghə â muunə n Efesus n zow tsəghə ndow ghə i tii zə. Tsəŋ zə n ngii nyi ghə n fəŋ, ghə n daŋŋə kaʼ ni ngii fuu kɔʼlə mə zəd i Mûkəbii Yeso.

Kəfwaʼ 3:8

Tə n taa kɔʼ n fuu i wi, kaʼ ndow ni bwey. Tə n nyi ndow n ndaw Kəzə̀ i nii zey ghi ghə, bwey taalə kɔʼɔ idəŋ, fuu ukali tə Zə̀ kə.

2 Pita 2:19

Ghə̂ a dii a tsɔŋɔ ghən dza tə ghə nə̀, ghə loʼ ni ghəŋə ghəə zey ghə ləghənə nə̀ ghə ka bəb zow, loʼ sey nə̀ wû i ghə loʼ ukɔd tə̀ bəb zə. I loʼ sey n təŋkey, fə key kə taw tsəghə dzənə wù, wù tii sey loʼ kəkɔd tə̀ fə kə tii kə.