Kəfwaʼ 19:11 - Kaa n Kəzə̀ n fəghə mə

¹¹ Zə̀ kə n fu tsu Pɔl n daʼa kə, tə n ghəŋŋə ndəmə ghəə a faalə ghə nə ghə̂ a ka kam koʼ koʼ tsə.

Kəfwaʼ 19:11 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 16:18

Waa u zən wən n ghəŋə kəŋə ndow ghəə ghə n ndəmə ntsuʼu. Ghə zən n zey ni fəmmə Pɔl, tə khə̂mə dza ndow tə̀ zay kə bəbə key nə̀, “N zəd i Yeso Klisto, n dza nə̀ wə shi n kow wi!” Zay kə tii kə daŋŋə nuu shi bə n kow wi.

Kəfwaʼ 5:12

Ngəd tə Yeso tə â ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂. Dzûmə tə Yeso tədzəm tə n təmə dzəŋi tsə n zeeli kə Solomun.

Kəfwaʼ 8:13

Shimun n wû u wi wə n bəghəm soʼo tûm tii, ney daŋŋə soʼo mmuu n Kəzə̀. Ambə tə ney kɔʼnə mmuu n Kəzə̀ mə, tə n bwey kaabə tsə ghi Filip n luʼu tey tədzəm tə â ndownə tii. Dzuu zə n ngii zum wi bòʼ faalə mey nsə ghəə a zum ghə idzuu ghey tə â koʼ Filip ghəŋŋənə.

Galeshia 3:5

N dza n bəb kpiʼi bə tə ghaa nə̀, Zay kə Zow kə kən Zə̀ kə â fuunə tə ghaa nsə faalə n mən tə fwaʼnə n fəŋŋə kə ghaa, â loʼ n təŋkey, ghaa naŋŋə ulaŋ nkee â loʼ n təŋkey ghaa â bəghəm tûm i dzuŋu zən ghaa â zownə ə?

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.