Kəfwaʼ 18:8 - Kaa n Kəzə̀ n fəghə mə

⁸ Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.

Kəfwaʼ 18:8 Mawu Ofanana

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Malakus 5:22

Wù loʼ ghə â tɔŋŋənə nə̀ a loʼ Jairus, tə â loʼnə ngəd n ndaw kədzəŋi ə ghə̂ a Təjuu n ndòw bə. Nghee tə̀ tə koʼ tsunə Yeso, tə n bwù ndòw n fuu i wi.

Malakus 5:35

Nghee tə̀ Yeso nam ghɔɔmənə, ghə̂ a loʼ ghə n təmi bə, ghə nuu bənə n ndaw Jairus wən tə â loʼnə ngəd n ndaw kədzəŋi ə ghə̂ a Təjuu. Ghə n dza tə̀ Jairus nə̀, “Kə̂ wə nə̀ kəm fəmmənə wù dii wə, n təŋkey, waa wə wey n kpu.”

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 11:14

Tə i fuu bə wɔ n ghɔɔmə zey zə i bəghəshiənə wɔ nsə tyim a ndaw ghə ghə̀ adzəm.’

Kəfwaʼ 13:15

Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 16:34

Ambə ghə ney kɔʼnə mmuu n Kəzə̀ mə, tə n ney bə ghə n ndaw wi, fu ghə n fəzəə wə. Wi ghi ghə̂ ghey n ndaw wi n ngii duʼlə boʼnə ghə nya bəghəm tə̀ Zə̀ kə.

Kəfwaʼ 18:1

Ambə Pɔl ghɔɔmə may tsunə tə ghə̂ a ndaw tsə ghey, tə n zəghə tsu Atens, nuu ndow n Kɔrint.

Kəfwaʼ 18:17

Ghə adzəm n fəd nu kwu kɔʼ Sɔstenes, tə â loʼnə tow kə n ndaw kədzəŋi fu, bwɔd wi fu n sə kə tsə. Ghə i tii zə n ka tsəm mɔm Galio.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Kəfwaʼ 8:12

Ambə ghə̂ a kee bəghəm kɔʼnə tûm zən Filip a naʼlənə kuum fɔɔ u Kəzə̀ nsə bòʼ Yeso Klisto, agheyzən nsə gheynum ghə n ney mmuu n Kəzə̀.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 6:11

A ghə̂ a Kɔrint ghə, ghey â ka nyi naŋa dzə ghə i loʼ zə tə̀ ghaa, ghey mâ chi dii may bə fə̀ŋ tə ghey tə tə̀ ghaa.

2 Timoti 4:20

Erastus mâ doʼo səə n naʼ i Kɔrint. Abə Trofimus, mə â naŋa taʼa wi n naʼ i Miletus nə̀ tə dzaŋanu.