Kəfwaʼ 18:5 - Kaa n Kəzə̀ n fəghə mə

⁵ Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 18:5 Mawu Ofanana

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 10:24

Ghə̂ a Təjuu ghə n zuŋŋə dzəŋ tsəghə kɔʼ wi, bəb tə̀ wi nə̀, “Wə i naŋŋə ghey nə kələm ni ndòw kùm zeeli? Abə wə̀ loʼnə nə̀ wə loʼ wù wey Zə̀ kə â dza naŋa nə̀ i tûm bənu, wə n shi bə tsətsəghə.”

Tùm i dzuŋu zə kuum Yeso Klisto tə Jɔn â tɔɔnə 15:27

Wû i ghaa, ghaa khə ni tiilə dza soʼo, bòʼ nə̀, ghaa â dzəŋi loʼ ghi mə nghee mə â kaʼ tsunə fwaʼ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 3:28

Wû i ghaa, ghaa mâ zow n nəŋə zey mə â dzanə nə̀, ‘N way dzə wù wey Zə̀ kə â dza naŋa nə̀ i tûm bənu, Zə̀ kə maŋ tûm bə mə isə̂ nə̀ n bə bayyə naŋa tsu təluʼu tə̀ wi.’

Kəfwaʼ 10:42

Tə n dza nə̀ ghey i naʼlə ndow tûm i dzuŋu zə tə ghə̂ ghə, təmi tiilə ndow soʼo tə̀ ghə̂ ghə nə̀ tə loʼ wù wən Zə̀ kə naŋa nə̀ tə i saʼa ghə̂ ghən ghə loʼnə utaw nsə a ghən ghə kpu dzənə.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Kəfwaʼ 16:12

Ghey n zəghə tsu fu, nuu ndow n naʼ i Filipi, zə â loʼnə n tənə naʼ i Roma. Filipi â loʼ naʼ i nii zə n mboʼo Masedonya. Ghey n doʼo kəŋə ndow ntsuʼu fu.

Kəfwaʼ 16:9

Ambə n tsuʼu tə, Pɔl n koʼ ndow wù Masedonya tə teynə nə ujim, buʼu kəwɔɔ tə wi nə̀, “Bəghə n Masedonya, wə bə gaamə ghey.”

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 18:28

Tə n təmə zəə tsə ghə̂ a Təjuu n sə kə aghə̂ nə ighɔɔmə nghee tə â ney shiə kɔʼɔnə ghəə ghə n màʼlə K-a-zə̀ dii ndow tə ghə nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 4:20

Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”

Kəfwaʼ 9:22

Sɔl n fəd ndəmi nyi ndow uwû ni naʼa tûm i dzuŋu zə. Tə n dii nə təjìi tədzəm nə̀ Yeso ndzəm loʼ wù wey Zə̀ kə â dza naŋa nə̀ i tûm bənu. Tə n dii n jìi zey ghə̂ a Təjuu ghey n Damaskus n laʼ kii kɔʼ ghə i dza zə.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

2 Kɔrint 11:9

Nghee tə̀ mə̂ â loʼnə ghi ghaa, mə â fəmmə way ghaa abə n laʼanə fə kə. Waazə a saa ghey ghə â nuu bənə n Masedonya, ghə â bə mə̀ n fə wə udzəm. Sey nghee tə̀ mə â doʼonə nə̀ n fəmmə way ghaa, mə̀ î fəmmə koʼ way ghaa n ghə i loʼ zə.

2 Kɔrint 5:14

À loʼ ləghə zey Klisto khənə n kow saa, i taalinə saa n təŋkey, ghey n zowkeeli nə̀ wù umɔʼ mâ kpu n tow kə ghə̂ adzəm, dii tsuu nə̀ ghə̂ adzəm mâ dzəŋi kpu ghi wi.

Filipi 1:23

N maŋ loʼ n fə̀ŋ ə ghəə ghən abəghə. N ləghənu ni zəghə mbi zən N ndòw doʼo ghi Klisto, n təŋkey, a dzɔb tsəghə i tii zə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.