Kəfwaʼ 18:2 - Kaa n Kəzə̀ n fəghə mə

² Tə n ndow kpiilə ndow ghi wù Juu u loʼ fu ghə â tɔŋŋə nə̀ aloʼ Akwila ghə â jinə wi n naʼ i Pontus. Tə n loʼ ghi wey wi Prisila. Ghə â kuʼlə nuu bə n naʼ i Itali kuumnə Klodius wən tə â loʼnə də̀ŋ kə Roma kə â tsəʼlə kəlaŋ nə̀ ghə̂ a Təjuu adzəm a zəghə naʼ i Roma. Pɔl n nuu ndow ni ndow koʼ ghə.

Kəfwaʼ 18:2 Mawu Ofanana

Kəfwaʼ 11:28

Zay kə Zow kə n ghəŋŋə nə̀ wù ghə umɔʼ ghə â tɔŋŋə nə̀ a loʼ Agabus tə nuu təmi kɔʼ, tə dza naŋa zey ndow nə̀ dzəŋ i faalə zə i nyiə bənu n naʼ i Roma nsə n naʼa tey tə loʼnə n tənə ghə. Dzəŋ i faalə zə n bɔɔmə ndow bə n num key Klodius a loʼnə də̀ŋ kə.

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 18:26

Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Kəfwaʼ 2:9

Saa a loʼ a nuu bə n Patya, a loʼ ghə n Midya nsə n Elam. Saa a loʼ ghə a nuu bə nə n bad u Mesopotemya, a loʼ ghə n Judeya, a loʼ ghə n Kapadoshya, a loʼ ghə Pontus nsə n Eshya.

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 27:6

Nghee ghey loʼnə fu, wù nii təsawgoʼ wey n keeli kɔʼ kəfən kə nuu bə n Alekzandra nə kə daŋa n Itali, sey, tə n kuu kɔʼ ghey tii.

1 Kɔrint 16:19

Dzəŋi u dzûmə tə Klisto tey n mboʼo Eshya tɔŋŋə zow bə ghaa. Akwila nsə Prisila tɔŋŋə zow bə ghaa n fə̀ŋ tə ghə tə tədzəm n zəd i Mûkəbii. Dzûmə tə Klisto tey tə nyiənə n ndaw ghə tɔŋŋə zow bə soʼo ghaa.

2 Timoti 4:19

Tɔŋɔ zow tsu Prisila ghi Akwila, nsə ghə̂ ghey adzəm ghə loʼnə n ndaw Onesiforus.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.