Kəfwaʼ 17:4 - Kaa n Kəzə̀ n fəghə mə

⁴ Ghə̂ a Təjuu a loʼ ghə n bəghəm ghɔɔmə i Pɔl, ghə təmdzəŋi ndow Pɔl ghi Silas ighələ tə ndəmə ghə̂ ghey ghə way ghə̂ a Təjuu ghə nə ghə n bəghəm tə Zə̀ kə. Gheyzən a nii a loʼ ghə n təmdzəŋi ndow soʼo ghə.

Kəfwaʼ 17:4 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:35

Ngəd tə Təjuu tə n zey ndòw ni ghɔɔmə n wû i ghə nə̀, “Tə dza i boʼo ndòw ghee, saa î way ni kəŋ koʼ wi ə? Tə moʼlə ni ndow n naʼ i Grik, n luʼu key ghə̂ a saa a muu kaabənə tii ni dii ndòw ghə̂ a Grik ghə ə?

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:4

Ghə̂ ghə n dzawwə doʼo bə fu tii inaʼ, ghə̂ a loʼ ghə n bəghəm dzəŋi ndow ghi ngəd tə Təjuu, a loʼ ghey ghə bəghəm dzəŋi ndow ngəd tə Yeso tey.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:27

Ghey tûm bə Judas nsə Silas ghi màʼlə kən. À loʼ ghə, ghə i tɔʼɔ tiilə dza bənə n wû i ghə zə, ghəə zən ghey tɔɔnə n màʼlə kən.

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 15:40

Pɔl n kee sày kɔʼ Silas. Dzûmə tə Klisto tə loʼ tən n buulə tsu ghə, dza nə̀ ndzuŋ ə Mûkəbii i loʼ ghi ghə nghee ghə ndownə.

Kəfwaʼ 16:3

Sey, Pɔl n ləghə nə̀ tə təmdzəŋi bə wi n bwey i ghə. Tə n daŋŋə səghə tsu tyi kə Timoti bòʼ nə ghə̂ a Təjuu ghey ghə â muunə fu, ghə â khənu nə bày wi way dzə wù Juu.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:12

Ndəmə ghə̂ a Təjuu ghə n bəghəm, ighələ tə gheyzən a nii ghən nsə gheynum ghən ghə â way ghə̂ a Təjuu ghə â bəghəm soʼonə.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 17:34

Ghə̂ a loʼ ghə n ngəŋŋə təmdzəŋi ndow kə Pɔl, bəghəm fu ndow. N ghə̂ ghey ghə â bəghəm fu, â loʼ wù loʼ ghə tɔŋŋə nə̀ a loʼ Dionisus wù Areopagus. Weyzən u loʼ wə ghə â tɔŋŋə nə̀ a loʼ Damaris n loʼ soʼo fu nsə ndəmə ghə̂ a loʼ ghə.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 2:44

Ghə̂ ghey adzəm ghə a bəghəm nə tə Yeso n loʼ n fə kəmɔ̀ʼ, ghə n dzəŋi dzawwə fə wey udzəm ghə̂ khənə n wû i ghə.

Kəfwaʼ 21:28

Ghə̂ a tii ghə n buʼlə nbɔŋ, dza tsuu nə̀, “Ohooo Ghə̂ ghə Izree ghə, tɔm bə na ghey! À wən loʼ wù wey tə tsə̀ə bəəbə ghə̂ ghə nə təluʼu tədzəm nə̀ ghə ka i zow tə ghə̂ Izree ghə, ghə ka i naŋŋə laŋ kə Mushi kə, ghə ka i kɔʼlə soʼo ndaw Kəzə̀ ə saa i nii zən. Ghə zey i bəb tsəghəshi tsunə loʼ nə̀ tə baa ney nyi bə ghə̂ ghey ghə way ghə̂ a Təjuu fa n ndaw Kəzə̀ ə saa, ghəŋə nə̀ kə luʼu kən nə kəm zow.”

Kəfwaʼ 28:24

Ghə̂ a loʼ ghə n bəghəm fuu ndow soʼo ghəə ghey tə dzanə, a loʼ ghə n ka kee bəghəm.

Kəfwaʼ 4:23

Ambə Pita nsə Jɔn zəghə maʼa tsunə ghə̂ a ndaw tsə ghey, ghə n dzəŋŋə ndow koʼ ndow ghə̂ a ghə, tiilə dza ndow ghəə ghey ghə fɔɔngili a nii ghə nsə ngəd tə inaʼ tə dzanə.

2 Kɔrint 8:5

Ghə â fwaʼ tsəghəshinu tə̀ ghey â moʼlənə. Ghə â fuu ndòw dzə wû i ghə tə̀ Mûkəbii isə, tə ghə ni bə fuu wû i ghə tə̀ ghey nghee Zə̀ kə ləghənə.