Kəfwaʼ 17:25 - Kaa n Kəzə̀ n fəghə mə

²⁵ Tə buʼu ləghə soʼo way fə kə loʼ kə wù sɔŋtsuʼ loʼ ni fwaʼ ntəŋkey a loʼ wi tə fuunə muu zə tə ghə̂ ghə adzəm, fuu soʼo kəzay nsə fə u loʼ wən udzəm tə ghə.

Kəfwaʼ 17:25 Mawu Ofanana

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Matyo 9:13

Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”

Kəfwaʼ 14:17

A kee loʼ nə̀ Zə̀ kə ka maŋ naŋa dzə ghə sey nə̀ tə ka ghəŋŋə nə̀ ghə keeli nə̀ tə loʼnu. Tə â ghəŋŋə nə̀ ghə keeli nə̀ tə loʼ utaw n ghəə a dzuŋu ghən tə â ghəŋŋənə ni tûm tsuu bə ghow zə i idəŋ, ghəŋŋə soʼo nə̀ fə wə i nyîmmə dzɔbə n nəŋə zey i kpiilənə. À loʼ wi tə â fuunə ghaa n fəzəə wə, ghəŋŋə soʼo nə̀ ghaa i saŋŋə n fə̀ŋ tə ghaa naʼ idzəm.”

Kəfwaʼ 17:28

I loʼ tə wù loʼ â dza tsunə nə̀, ‘Nghee tə saa loʼnə nə kəfə kəmɔʼ ghi wi, a wey loʼ i ghii saa muunə, bwey kaabə, loʼ soʼo fə key saa loʼnə ghii kə.’ Ghə̂ a ghaa a tɔ̀ɔ ghə umàʼlə a loʼ ghə â mgbaŋ tɔ̀ɔ naŋa soʼo nə̀, ‘Saa mbɔŋ loʼ soʼo waa a wi.’

Roma 11:35

Wù loʼ way dzə tə â fùu fuu koʼ tsənə Zə̀ kə n fə kə Nə̀ tə i tsə dzəŋŋə bə.”

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.