Kəfwaʼ 17:23 - Kaa n Kəzə̀ n fəghə mə

²³ N sey dza n təŋkey, nghee n bwey laalə kaabə bənə luʼu tey ghə fəələnə maʼlə wə tii, mə n ndow koʼ tsu bənə kə loʼ kə nə ghaa n tɔ̀ɔ naŋa tii nə̀, ‘Tə Zə̀ key ghey khə way.’ Zə̀ key ghaa maŋa bam fey nə ghaa tɔʼ khə way, a baa loʼ kə ghi n naʼlə bə tə ghaa fa nya.

Kəfwaʼ 17:23 Mawu Ofanana

Matyo 15:9

Ghə ngɔɔmə mə kənunu, N təŋkey, ghə dii laŋ u mbi, dza nə̀ à loʼ laŋ wuŋ.’”

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 4:22

Ghaa ghə̂ Samaria, ghaa ngɔɔmə Kəzə̀ nə̀ ghaa khə way wi, abə ghey ghə̂ a Təjuu, ghey ngɔɔmə Zə̀ key ghey khənə n təŋkey, bəghəshi i bəghə fa n mbi n bam i Təjuu.

Tùm i dzuŋu zə kuum Yeso Klisto tə Jɔn â tɔɔnə 8:54

Yeso n beeli ndòw ghə nə̀, “Abə a mə loʼ nə̀ n kɔʼlə wû wuŋ, kɔʼlə n tii n mə loʼ kənunu. Wù wey tə fuunə mə n kɔʼlə mə loʼ Bày wuŋ, tə wey ghaa dzanə nə̀ a loʼ Zə̀ kə ghaa.

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 8:5

Abə i loʼ kənə nə̀ fə u loʼnu idəŋ nkee fa a ghəlitsə ghə̂ a tɔŋŋə nə̀ a loʼ “uzə̀”, tə̀ saa ndzəmə koʼo ndownə nə̀ “zə̀” u loʼ n ndəm, ghə “mûkəbii” ghə a loʼ soʼo n ndəm.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.