Kəfwaʼ 17:22 - Kaa n Kəzə̀ n fəghə mə

²² Pɔl sey nuu təmi kɔʼnu n sə kə tsə ə Areopagus, dza tə ghə nə̀, “Mə n ndzəm koʼ nə̀ ghaa ghə̂ ghə Atens ghə, ghaa ləghənu ghəə a Kəzə̀ ghə nə təjìi tədzəm.

Kəfwaʼ 17:22 Mawu Ofanana

Kəfwaʼ 17:15

Ghə̂ ghey ghə â dza i ndow tənə naŋa Pɔl n ndow tənə naŋa nay ndow wi n naʼ i Atens. Pɔl n dza ndow tə ghə nə̀ ghə dzəŋŋə ndow dza ndow tə Silas ghi Timoti nə̀ ghə mbad kwɔɔlə bə wi n naʼ i Atens.

Kəfwaʼ 17:16

Ambə Pɔl sə loʼ n Atens tə ləmmənə Silas ghi Timoti, zə n ngii fəmmə wi n fə̀ŋ nghee tə koʼ tsunə nə̀ muʼu n ngii loʼ n naʼ i tii zə.

Kəfwaʼ 17:19

Ghə n ney bə Pɔl n ndaw tsə, ghə â tɔŋŋə nə̀ a loʼ Areopagus, luʼu key tsə â bə kwɔɔ tsə tii, dza tə wi nə̀, “Ghey ləghə ni keeli fə key dii i fəghə zən wə diinə loʼnə ghii kə.

Kəfwaʼ 17:34

Ghə̂ a loʼ ghə n ngəŋŋə təmdzəŋi ndow kə Pɔl, bəghəm fu ndow. N ghə̂ ghey ghə â bəghəm fu, â loʼ wù loʼ ghə tɔŋŋə nə̀ a loʼ Dionisus wù Areopagus. Weyzən u loʼ wə ghə â tɔŋŋə nə̀ a loʼ Damaris n loʼ soʼo fu nsə ndəmə ghə̂ a loʼ ghə.

Kəfwaʼ 19:35

Wù wey tə â tɔɔnə màʼlə kə fu inaʼ n dəm kə sa buu naŋa tsu bɔŋ n ghə mey, dza tə ghə nə̀, “Ghə̂ a Efesus ghə! À məghə ndee nə a loʼ ghaa ghə̂ a Efesus, ghaa laalənə fəə fə Atemis fə, zə̀ kən kə taw tsəghənə zə̀ wə udzəm ə? À məghə ndee nə a loʼ soʼo ghaa, ghaa laalənə tay i kənyi zey zə â tsɔʼi tsu bə idəŋ ə?

Kəfwaʼ 25:19

Ghə n fədlə baŋŋə təfəghəm kuum ghəə a Kəzə̀ a ghə nsə kuum Yeso u loʼ wə nə tə mâ kpu ghi Pɔl tə â təmi taw kɔʼnə dza nə̀ wù tii loʼ utaw.