Kəfwaʼ 17:2 - Kaa n Kəzə̀ n fəghə mə

² Pɔl n ndow n ndaw kədzəŋi ə ghə̂ a Təjuu tə̀ tə â ghəŋŋə tsənə. Tə n ney tsuʼu mə inaʼ ntəghə nə tə ndow ghɔɔmə dzəŋi kə aghəə fu ghi ghə̂ ghə nə̀ tə sày tɔŋɔ shiə kɔʼɔ n màʼlə K-a-zə̀.

Kəfwaʼ 17:2 Mawu Ofanana

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Lukas 4:16

Yeso n nuu ndow n Nazaled, naʼ zey tə â nyəm kɔʼ bənə tii. Ambə n tsuʼ inaʼ, tə n ndòw n ndaw Kədzəŋi, tə̀ tə â ghəŋə tsənə, tə n təmi kɔʼ ni tɔŋɔ ghɔɔmə i Kəzə̀.

Tùm i dzuŋu zə kuum Yeso Klisto tə Jɔn â tɔɔnə 18:20

Yeso n beeli ndow wi nə̀, “N ghəə ghuŋ ghə â ghɔɔmə shiə bə n mgbaŋ tə̀ ghə̂ a mbi ghə. Mə â dii aghəə n ndaw tə udzəŋi tə ghə̂ a Təjuu nsə n ndaw Kəzə̀ i nii zə n Yerosalem. À wən loʼ luʼu tey ghə̂ a Təjuu adzəm a bə zuŋŋə doʼlənə tii. N ka kam nyì ghɔɔmə koʼ tsə ghə i loʼ zə.

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 13:5

Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 24:25

Ambə Pɔl tɔʼ tiilə dza ndow tə ghə nghee ghə̂ a khə ni loʼ tsətsəghə tii, zuŋu uwû, nsə nghee Zə̀ kə nə saʼanə ghə̂ ghə tii. Tsəŋ zə n kwu Feliks, tə n dza nə̀, “Khəə ndow nya, abə mə i ndzɔʼ keeli tsu nəŋə zə, Mə i kəm tɔŋɔ bə wɔ.”

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 8:35

Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

1 Kɔrint 15:3

Ghə i səŋi zey i loʼnə n tûm i dzuŋu zey mə â fuu nduŋŋə bənə tə̀ ghaa loʼ nə̀, Klisto â kpu n tow u saa ni ney nuu ghəə a saa a bəbə ghə tə̀ i tɔ̀ɔ doʼonə n màʼlə K-a-zə̀.