Kəfwaʼ 17:18 - Kaa n Kəzə̀ n fəghə mə

¹⁸ Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:18 Mawu Ofanana

Malakus 9:14

Ambə ghə dzəŋŋə tsu bənə nə ukaʼ, ghə n bə koʼ bə ngəd tə̀ loʼ tey, nə nɔɔ kə aghə̂ kə n dzəŋ tsəghə kɔʼ ghə nsə ghə̂ a dii a kəlaŋ a loʼ ghə, ghə ghɔɔmə ballənə.

Lukas 11:53

Nghee tə̀ Yeso nuu tsunə fu, ghə̂ a tə Falasi nsə ghə̂ a dii ghə ulaŋ ghə n zey ndòw ni ngii sənnə ghɔɔmə i wi, sɔ̀ʼlə kaabə tsə wi nə təghɔɔmə,

Kəfwaʼ 26:23

Ghə â dza naŋa nə̀, ‘Wù wey Zə̀ kə â dza naŋa nə̀ i tûm bənu khə ni teeli bə fəghə, tə kpu tsu dzə, a loʼ soʼo wi ni doʼo wù sə̂ isə̂ ni zhəm dzəŋŋə nə ivə, sey tə i naʼlə bə tûm bòʼ ibəghəshi i loʼnə tə a loʼ kədaa tə ghə̂ a Təjuu nsə ghə̂ ghən ghə way ghə̂ a Təjuu ghə.’”

Kəfwaʼ 4:2

Ghə̂ ghən â bə koʼ bə Pita ghi Jɔn n təŋkey nəghə mə â ngii fəə ghə nghee ghə diinə ghə̂ ghə n ghəə ghə bòʼ Yeso. Ghə â naʼlə nə̀ Yeso zhəm dzəŋŋə nə ivə, dii tsu nə̀ wù loʼnu ni zhəm dzəŋŋə nə ivə.

Kəfwaʼ 5:42

Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Roma 1:22

Ghə fəd doʼo kɔʼ ghə̂ a laʼlə, kee khə kə nə̀ ghə tɔbənu.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.