Kəfwaʼ 17:13 - Kaa n Kəzə̀ n fəghə mə

¹³ Ambə ghə̀ a Təjuu ghey n Tesalonika zow tsu nə̀ Pɔl naʼlə ghɔɔmə i Kəzə̀ n Beria, ghə a loʼ ghə n ndow soʼo fu, təəbə tsu aghə̂, teyyə naŋa kɔʼ naʼ i tii zə nə ifuu.

Kəfwaʼ 17:13 Mawu Ofanana

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Lukas 12:51

Ghaa moʼlə nə̀ n fa bə mbi ni bə fu ibuulə ə? Ngaŋ! N bə ni bə ghəŋə nə̀ ghə̂ a dzawwə doʼo.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 17:1

Ambə Pɔl ghi Silas zəghə tsunə n Filipi, ghə n tsəghə ndow jii n naʼ i Amfipolis nsə naʼ i Apolonia, ndow bə n naʼ i Tesalonika n luʼu key ndaw kədzəŋi ə ghə̂ a Təjuu â loʼnə tii.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 20:4

Ghə̂ ghey Pɔl â bwey dzəŋi ndow ghi ghə â loʼ Sopata waa Pirus tə â nuu bənə n Beria. A loʼ ghə n loʼ Aristakus ghi Sekɔndus ghə â nuu bənə n Tesalonika, Gayɔs tə â nuu bənə n Debe. A loʼ ghə n loʼ Taychikus ghi Trofimus ghə â nuu bənə n mboʼo Eshya. Timoti n loʼ soʼo tii.

Kəfwaʼ 21:27

Ambə tsuʼu mə ikhəmə mən nsəghəmbəghə may kəŋŋə bənə, ghə̂ a Təjuu a loʼ ghə ghə â nuu bənə n Eshya, n koʼ tsu Pɔl n dzəŋi kə ndaw Kəzə̀ n Yerosalem. Ghə n təəbə ghə̂ ghey fu adzəm, ghə n nuu baʼlə kwu kɔʼ Pɔl.

Kəfwaʼ 6:12

Ghə̂ ghən n sɔʼlə kɔʼ bə aghə̂, sɔʼlə kɔʼ soʼo ngəd tə inaʼ nsə ghə̂ a dii a kəlaŋ ghə. Ghə n daŋŋə bə kwu kɔʼ Sətifən, ney ndow wi n ndaw tsə.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.