Kəfwaʼ 17:11 - Kaa n Kəzə̀ n fəghə mə

¹¹ Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

Kəfwaʼ 17:11 Mawu Ofanana

Matyo 13:23

Abə tə tey tə â tsɔʼlənə n zub tə dzuŋu tə, a loʼ ghə̂ ghey ghə zow tsuu ghɔɔmə i tii zə, ghə n ndzəm zowkeeli i tsu, ghə a nyim bɔŋ dzɔb tsu buʼ a dzuŋu ghə, buʼ a loʼ ghə n fuu kɔʼɔ asə̂ fəbɔm, a loʼ ghə n fuu kɔʼ asə̂ nghəm ntuubə, a loʼ ghə nghəm ntəghə.”

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Lukas 11:3

Fu ghey n fəzəə wey u kpiinə tə̀ ghey tsuʼ ndzəm.

Lukas 16:29

Abraham n dza tə̀ wi nə̀, ‘Waazə ghə a khənu laŋ u Mushi wə nsə tsə zən tûm tə Kəzə̀ tə â tɔ̀ɔ naŋa ni dzûmə, ghə khə ni zow tə̀ ghə.’

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 3:21

Ghə̂ ghey ghə kee ghəŋŋənə ghəə ghey a loʼnə tsətsəghə, ghə bəghənu n tənə kədaa, ni ghəŋə nə̀ ghə̂ ghə i koʼo bə nə̀ ghəə a ghə a ghəŋŋə a loʼ ghəə ghey Zə̀ kə ləghənə.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Kəfwaʼ 10:33

Mə n daŋŋə tûm tɔŋɔ bənə wɔ. Wə ghəŋŋə dzɔbnu ni bə. Nya ghey n təmdzəŋi bə n sə̂ K-a-zə̀ ni zəllə ghəə ghey Mûkəbii tûm nə wɔ nə̀ wə bə naʼa tə ghey.”

Kəfwaʼ 11:1

Ngəd tə Yeso, nsə dzûmə tə Klisto tə loʼ tən tə a loʼ kaabənə n Judeya, n zow tsu nə̀ ghə̂ ghən ghə way ghə̂ a Təjuu ghə n bəghəm soʼo ghɔɔmə i Kəzə̀ zə.

Kəfwaʼ 17:1

Ambə Pɔl ghi Silas zəghə tsunə n Filipi, ghə n tsəghə ndow jii n naʼ i Amfipolis nsə naʼ i Apolonia, ndow bə n naʼ i Tesalonika n luʼu key ndaw kədzəŋi ə ghə̂ a Təjuu â loʼnə tii.

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.