Kəfwaʼ 17:10 - Kaa n Kəzə̀ n fəghə mə

¹⁰ Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:10 Mawu Ofanana

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 17:1

Ambə Pɔl ghi Silas zəghə tsunə n Filipi, ghə n tsəghə ndow jii n naʼ i Amfipolis nsə naʼ i Apolonia, ndow bə n naʼ i Tesalonika n luʼu key ndaw kədzəŋi ə ghə̂ a Təjuu â loʼnə tii.

Kəfwaʼ 17:2

Pɔl n ndow n ndaw kədzəŋi ə ghə̂ a Təjuu tə̀ tə â ghəŋŋə tsənə. Tə n ney tsuʼu mə inaʼ ntəghə nə tə ndow ghɔɔmə dzəŋi kə aghəə fu ghi ghə̂ ghə nə̀ tə sày tɔŋɔ shiə kɔʼɔ n màʼlə K-a-zə̀.

Kəfwaʼ 17:4

Ghə̂ a Təjuu a loʼ ghə n bəghəm ghɔɔmə i Pɔl, ghə təmdzəŋi ndow Pɔl ghi Silas ighələ tə ndəmə ghə̂ ghey ghə way ghə̂ a Təjuu ghə nə ghə n bəghəm tə Zə̀ kə. Gheyzən a nii a loʼ ghə n təmdzəŋi ndow soʼo ghə.

Kəfwaʼ 17:6

Ambə ghə kəŋ kìi tsunə ghə, ghə kwu sìi shi bə Jason ghi dzûmə tə Klisto tə loʼ tey, ney ndow ghə n səə ghə̂ ghey ghə saʼanə naʼ zə, buʼlə shiə kɔʼɔ nbɔŋ dza nə̀, “À wən loʼ ghə̂ ghən ghə ghəŋŋənə nə̀ luʼu tədzəm tə i teynə ifuu. Ghə n bə soʼo fa.

Kəfwaʼ 20:4

Ghə̂ ghey Pɔl â bwey dzəŋi ndow ghi ghə â loʼ Sopata waa Pirus tə â nuu bənə n Beria. A loʼ ghə n loʼ Aristakus ghi Sekɔndus ghə â nuu bənə n Tesalonika, Gayɔs tə â nuu bənə n Debe. A loʼ ghə n loʼ Taychikus ghi Trofimus ghə â nuu bənə n mboʼo Eshya. Timoti n loʼ soʼo tii.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Kəfwaʼ 9:25

N tsuʼ fə loʼ fə, n tsuʼu tə, dzûmə tə Sɔl tə loʼ tə n nyaʼi ndow bə ney kuu nyi tsu Sɔl n khəə kə nii kə, tûm nuu shi ndow wi nə kəbuʼ n mbàa zey.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.