Kəfwaʼ 16:6 - Kaa n Kəzə̀ n fəghə mə

⁶ Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 16:6 Mawu Ofanana

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Kəfwaʼ 10:19

Nghee Pita nam kəŋə tow kə ni zowkeeli ghəə zey jim wey diinə, Zay kə Zow kə n dza ndow tə wi nə̀, “Ghə̂ a tey bii atəghə, ghə kəŋŋə bənə wɔ.

Kəfwaʼ 11:12

Zay kə Zow kə n dza bə tə mə nə̀ kə n nə səmənə ni ndow ghi ghə. Waazə a saa ghən a tuubə n bə dzəŋi ghi mə, ghey n ndow nyi ndow n ndaw wù tii.

Kəfwaʼ 16:7

Ambə ghə bənə n tii u Mishya, ghə n dəmə ni nyi ndow n naʼ i Bitinya, Zay kə Yeso kə n ka nam bəghəm soʼo nə ghə ndow fu.

Kəfwaʼ 18:23

Ambə Pɔl tsuŋŋə doʼo tsunə fu n Antyɔk, tə n zey ni ngəə kaabə naʼa tənaʼa, tsəghə tɔɔlə ndow n mboʼo ə Galeshya nsə n Frigya, təmə tawwə ndow fə̀ŋ tə dzûmə tə Klisto tey fu tədzəm.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Kəfwaʼ 20:4

Ghə̂ ghey Pɔl â bwey dzəŋi ndow ghi ghə â loʼ Sopata waa Pirus tə â nuu bənə n Beria. A loʼ ghə n loʼ Aristakus ghi Sekɔndus ghə â nuu bənə n Tesalonika, Gayɔs tə â nuu bənə n Debe. A loʼ ghə n loʼ Taychikus ghi Trofimus ghə â nuu bənə n mboʼo Eshya. Timoti n loʼ soʼo tii.

Kəfwaʼ 21:27

Ambə tsuʼu mə ikhəmə mən nsəghəmbəghə may kəŋŋə bənə, ghə̂ a Təjuu a loʼ ghə ghə â nuu bənə n Eshya, n koʼ tsu Pɔl n dzəŋi kə ndaw Kəzə̀ n Yerosalem. Ghə n təəbə ghə̂ ghey fu adzəm, ghə n nuu baʼlə kwu kɔʼ Pɔl.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 8:29

Zay kə Zow kə n dza ndow tə Filip nə̀, “Ndow n səə kaya zey wə kuʼlə bwey dzəŋi ndow ghi ghii zə.”

Roma 16:5

Tɔŋɔ zow ndow n na dzûmə tə Klisto tey tə nyiənə n ndaw ghə. Ghaa tɔŋɔ zow ndow soʼo wù fə wuŋ u dzuŋu wə tɔŋɔ Epenetus. Â loʼ wi wù sə̂ isə̂ n mboʼo Eshya ni bəghəm tə Klisto.

1 Kɔrint 12:11

Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.

1 Kɔrint 16:1

Nyisa, n ləghə ni ghɔɔmə bòʼ ghəə ghən ghaa â tɔ̀ɔ bəb bənə bòʼ khəə wey ghaa â zuŋŋənə ni fuu tə̀ dzûmə tə Klisto tey n naʼ i Yerosalem. Ghaa khə ni bɔɔmə dzûmə ndow ghəə ghey mə â dzanə tə̀ dzəŋi u dzûmə tə Klisto wə n naʼ i Galeshya.

1 Kɔrint 16:19

Dzəŋi u dzûmə tə Klisto tey n mboʼo Eshya tɔŋŋə zow bə ghaa. Akwila nsə Prisila tɔŋŋə zow bə ghaa n fə̀ŋ tə ghə tə tədzəm n zəd i Mûkəbii. Dzûmə tə Klisto tey tə nyiənə n ndaw ghə tɔŋŋə zow bə soʼo ghaa.

2 Kɔrint 1:8

Waazə ghə, ghey ləghə nə̀ ghaa zowkeeli ndzoʼo chɔd mey ghey a koʼnə n mbuʼu Eshya. Ghəə â tii a ma tsəghəshi daʼa kə ghey kə, ghey n kəm way ni kow fə̀ŋ. Ghey a nya moʼlə kə nə̀ ghey maŋ loʼ fə wə ivə.

Galeshia 1:2

Waazə a saa ghən ghə bəghəm nə tə Zə̀ kə, ghə loʼ fa ghi mə, tɔŋɔ zow bə soʼo ghaa n dzəŋi u dzûmə tə Klisto wey tə loʼnə n mboʼo Galeshya.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

2 Timoti 1:15

Wə khənu nə̀ aghə̂ adzəm n mboʼo Eshya n tyi zəghə mə. Fijelus ghi Hemojenis u tyi zəghə daŋŋə soʼonə mə.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.