Kəfwaʼ 16:25 - Kaa n Kəzə̀ n fəghə mə

²⁵ Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 16:25 Mawu Ofanana

Lukas 22:44

Tə n baa ndeemi nyi ndow uwû ni gɔŋŋə, ghəə a tii ghə n ngii dədlə wi n fə̀ŋ sa, zuʼlə n wi mə n chim tsu aghəd tə̀ a loʼ təkaŋ

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 16:19

Nghee ghə̂ ghey kɔd kən kə â fwaʼanə n tənə ghə koʼ tsunə nə̀ ghə n guŋu jìi zey ghə a keeli tsənə khəə wə tii, ghə n kwu tsu Pɔl nsə Silas, sìi ndow ghə n səə ghə̂ a nii ghə n zeeli kə inaʼ, nə̀ ghə saʼ ghə.

Kəfwaʼ 16:33

Wù wey tə â laalənə ndaw tsaʼ zən n ney kɔʼ ghə n tsuʼu tə wey, ndow sow maʼa tsu fəŋ a ghə. Wi ghi ghə̂ a ndaw wi ghə adzəm n daŋŋə ney kɔʼ mmuu n Kəzə̀.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

Efesus 5:19

Ghaa khə ni ghɔɔmə tiilə n wû i ghaa nə təndzaŋa, zhim ndzaŋa tən tə fuunə kɔʼləmə tə̀ Zə̀ kə, nsə ndzaŋa tey Zay kə Zow kə fuunə tə̀ ghaa. Ghaa khə ni zhim dzaŋa tən tə fuunə kɔʼlə mə tə̀ Mûkəbii n fə̀ŋ tə ghaa tə tədzəm,

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Jems 1:2

Waazə ghə, ghaa khə ni duʼlə nəŋə tədzəm abə ghaa buʼu keeli kənə lii tə nchɔd tə,

Jems 5:13

Abə wù loʼ loʼnə n fəŋŋə kə ghaa tə fəʼlənə, tə n gɔŋŋə ndow tə̀ Zə̀ kə. Nə̀ wù loʼ, loʼ n fəŋŋə kə ghaa fə̀ŋ ə wi duʼlənə, tə n fuu kali u Kəzə̀ nə izhim.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.