Kəfwaʼ 16:23 - Kaa n Kəzə̀ n fəghə mə

²³ Ambə ghə bwɔd dzɔb tsunə ghə, ghə n ney fii naŋa ndow ghə n ndaw tsaʼ, dza ndow tə̀ wù wey tə laalənə ghə̂ a ndaw tsaʼ ghə nə̀ tə tɔʼ naŋa tsu isə n kow ghə.

Kəfwaʼ 16:23 Mawu Ofanana

Matyo 26:48

À n loʼ nə̀ wù wey tə fìi fuunə Yeso n fuu naŋa ghə n tsəə nə̀, “Wù wey mə i maŋŋə keelinə, à loʼ wi ghaa khə ni kwu.”

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Kəfwaʼ 12:18

Nghee tə tsuʼ u zow bə nə̀, luʼu tə n nuu num tsu n kow sawgoʼ tey, ghə sə məʼlənə luʼu key Pita ndownə tii.

Kəfwaʼ 12:4

Ambə tə kwu kɔʼnə Pita, tə n fii naŋa nyi ndow wi n ndaw tsaʼ. Tə n fuu naŋa ndow saʼ u təsawgoʼ ukaykə, nə kəsaʼ kəmɔʼ kə khə təsawgoʼ təkaykə nə ghə i keyyə wi. Herɔd â khə nə̀ abə Zə̂ kə taa zaʼa kə tsəghə tsunə, tə i naŋa shi bə wi n sə kə aghə̂ tə saʼ wi.

Kəfwaʼ 16:27

Ambə wù wey tə laalənə ndaw tsaʼ zhəm kɔʼnə, koʼ ndow nə̀ fuʼu n təndaw n ndaw tsaʼ n loʼ təghə, tə n sɔŋ shi bə kɔb ə wi ni wey wû u wi, moʼlə kə nə̀ ghə̂ a ndaw tsaʼ ghey n tyi shi may.

Kəfwaʼ 16:36

Wù tii n dza ndow ghəə a tii ghə tə̀ Pɔl dza, “Ghə̂ a saʼa a təsaʼ a tûm bə tûm nə̀ n chi zəghə wɔ ghi Silas. Ghaa ndow kə kədzuŋ.”

Kəfwaʼ 5:18

Ghə n kwu kɔʼ ngəd tə Yeso, fii naŋa ndow ghə n ndaw tsaʼ.

Kəfwaʼ 5:23

“Ghey ndow koʼ fuʼ u ndaw u ndaw tsaʼ nə u bɔɔmə fii doʼo dzɔbnu, ghə̂ a keyyə ghə a bɔɔmə tey soʼo fu n fuʼ u ndaw. Ghey u chi nyi ndownə ka kee koʼ wù fu ti n fəŋ.”

Kəfwaʼ 8:3

Sɔl n kee zey ndow ni saʼ maʼa ghə̂ a dzəŋi kə dzûmə tə Klisto. Tə n bwey kaabə ndow ndaw təndaw, sii nu shiə bə dzûmə tə Klisto, agheynum nsə gheyzən ghə, ndow fìi naŋŋə ghə n ndaw tsaʼ.

Kəfwaʼ 9:2

dza ndow tə̀ wi nə̀ tə fuu bə wi n màʼlə wey wə i tiilənə wi n ndaw tə udzəŋi tey n Damaskus, sey nə̀ tə kpaʼi koʼ wù loʼ tə dzûmənə jii i Mûkəbii, nə̀ a loʼ kə weynum nkee weyzən, tə n kwu tsu wi, ney bə wi n ndaw tsaʼ n Yerosalem.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.