Kəfwaʼ 16:14 - Kaa n Kəzə̀ n fəghə mə

¹⁴ Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 16:14 Mawu Ofanana

Lukas 24:45

Tə n chi kɔʼ tɔb u ghə tə̀ ghə zowkeeli tsu ghɔɔmə i Kəzə̀.

Tùm i dzuŋu zə kuum Yeso Klisto tə Jɔn â tɔɔnə 12:20

Ghə̂ ghən ghə way ghə̂ a Təjuu ghə n bə soʼo ni bə ngɔɔmə Kəzə̀ n Zə̂ kə taa zaʼa kə n Yerosalem

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 11:21

Daʼa kə Mûkəbii kə n loʼ n kow ghə, ndəm ə aghə̂ n bəghəm tə Klisto, fəd doʼo bə dzûmə tə Mûkəbii.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 16:40

Ambə Pɔl ghi Silas nuu shi tsunə n ndaw tsaʼ, ghə n ndow n ndaw Lidia. Ghə n ndow koʼ ndow dzûmə tə Klisto fu, kuu fə̀ŋ tə ghə, daŋŋə zəghə tsu naʼ i tii zə.

Kəfwaʼ 18:7

Tə n zəghə tsu fu, nuu ndow nə wù loʼ tə â ngɔɔmə tsənə Zə̀ kə, zəd i wi zə â loʼ nə a loʼ Titius Justus. Ndaw wi â kuʼlə loʼ kə n səə ndaw kədzəŋi ə ghə̂ a Təjuu.

Kəfwaʼ 8:27

Sey, Filip n bayyə kɔʼ uwû nuu ndow. Ambə tə ndownə, tə n kpiilə ndow ghi wù nə ghə n kâa wi. Wù wən â loʼ wù nii nə Itopia tə â naŋŋənə khəə u Kandake, tɔŋŋə naʼtum ə Itopia wə. Tə â ndow ngɔɔmə Kəzə̀ n Yerosalem.

Roma 9:16

I loʼ nə̀, abə Zə̀ kə sàynə wù, tə sày dzə way wù a dza à ləghə kɔʼ wù tii nkee wù tii ghəŋə tsu ghə i loʼ zə, à fədlə tsəmə kɔʼɔ Kəzə̀ ni dìi sî i wi i kwɔɔlə zə.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 3:20

Mə wənə n teynə n fuʼ u ndaw, buʼu kəbaʼ. Wù wey tə zow dzə̀ zuŋ, chi tsu kəbaʼ, mə i tsəghə nyi bə zə ghi wi, tə i zə soʼo ghi mə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,