Kəfwaʼ 16:13 - Kaa n Kəzə̀ n fəghə mə

¹³ Ambə n tsuʼ inaʼ, ghey n nuu shi ndow inaʼ, ndow n nguŋ ə dzuu, khə kə nə̀ ghey i koʼonu luʼu kə gɔŋŋə kə ghə̂ a Təjuu ghə. Ghey n gaʼ doʼo tsu fu, zey ndow ni ghɔɔmə tə gheyzən ghey ghə â zuŋŋə doʼonə fu.

Kəfwaʼ 16:13 Mawu Ofanana

Matyo 13:2

Nɔɔ kə aghə̂ kə n zuʼu n səə wi, sey tə n nyi doʼo tsu nə kəfən. Nɔɔ kə aghə̂ kə n tey n nguŋ ə inyi.

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Lukas 13:10

N tsuʼ inaʼ u ghə u loʼ wə, Yeso n dii n ndaw kədzəŋi ghə̂ a Təjuu i loʼ zə.

Tùm i dzuŋu zə kuum Yeso Klisto tə Jɔn â tɔɔnə 8:2

Tsətsə wey n zòw kə utsuʼ, Yeso n nuu tsu dzəŋŋə ndòw n Ndaw Kəzə̀ i nii zə n Yerosalem. Ghə̂ adzəm n zuŋŋə bə n səə wi, tə n doʼo tsu, kaʼ ndòw ni dii ghə n ghəə ghə.

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 13:42

Nghee Pɔl nsə Banabas zəghə tsunə ndaw kədzəŋi ə ghə̂ a Təjuu, nuu ndow, ghə̂ ghə n buʼ kəwɔɔ tə ghə nə̀ ghə i kəm bə kpiʼi n tsuʼ inaʼ wən u kəŋŋə bə nə tə ghə bə dza kpiʼi bə ghə n ghəə a Kəzə̀ ghə.

Kəfwaʼ 16:16

Ambə n tsuʼ fə loʼ fə ghey ndownə n luʼu kə gɔŋŋə kə, ghey n kpi tsu ghi waa u zən u loʼ wə tə â loʼnə kɔd kə, zay kə bəbə kə loʼ soʼo n kow wi. Zay kə bəbə kən n ghəŋŋə nə̀ tə i dza nyaʼ fə. Tə n fwaʼa tsə ndəmə ukhəə tə ghə mûkəbii a wi ghə n nyaʼ fən tə dzanə.

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 17:2

Pɔl n ndow n ndaw kədzəŋi ə ghə̂ a Təjuu tə̀ tə â ghəŋŋə tsənə. Tə n ney tsuʼu mə inaʼ ntəghə nə tə ndow ghɔɔmə dzəŋi kə aghəə fu ghi ghə̂ ghə nə̀ tə sày tɔŋɔ shiə kɔʼɔ n màʼlə K-a-zə̀.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Kəfwaʼ 21:5

Ambə nəŋə i ghey i nuulə i kpii tsunə, ghey n zey ndow nə̀ u nuulə wə. Ghə adzəm, ghey a ghə nsə waa a ghə ghə n nuu shi bə inaʼ ni bə tənə naŋa ghey n nguŋ ə dzuu. Ghey n tsu nyaʼa tsu fu ghi ghə, gɔŋŋə tsu.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.