Kəfwaʼ 16:1 - Kaa n Kəzə̀ n fəghə mə

¹ Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Kəfwaʼ 16:1 Mawu Ofanana

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 14:6

Ambə ngəd tə Yeso tən keeli tsunə ghəə a tii ghə, ghə n tyi nuu ndow n mboʼo Likonia n naʼa tə Listra nsə Debe nsə naʼa tey fu n dəŋə kə tii kə.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 19:22

Tə n daŋŋə ney kɔʼ ghə̂ ghey ghə â gaamə bənə wi abəghə, Timoti ghi Erastus, tûm ndow n Masedonya, wû u wi n kee dzə doʼo kəŋə ndow n mboʼo Eshya.

Roma 16:21

Timoti wən tə fwaʼa dzəŋinə ghi mə tûm bə tɔŋɔ zow i wi tə ghaa. Ighələ tə Lusiɔs, Jason nsə Sosipata, ghə loʼnə waazə ghuŋ ghə, tɔŋŋə zow bənə.

1 Kɔrint 16:10

Abə Timoti kpaʼi bənə fey n səə ghaa, ghaa ney naŋa wi n wɔɔ a dzuŋu ghə n fəŋŋə kə ghaa n təŋkey, tə bɔɔmə fwaʼa soʼo fwaʼ kə Mûkəbii kən n fwaʼanə.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 7:14

N sa dza təŋkey, weynum wey tə way dzûmə Klisto, Zə̀ kə bəghəm naŋŋənu wi n təŋkey tə ney weyzən wey tə loʼnə dzûmə Klisto. Weyzən wey tə way dzûmə Klisto, Zə̀ kə bəghəm naŋŋə soʼonu wi n təŋkey tə ney weynum wey tə loʼnə dzûmə Klisto. Abə a mə way sey, tə Zə̀ kə mə way ni bəghəm naŋa waa a ghaa. Isəŋə kee loʼ nə̀ Zə̀ kə n bəghəm naŋa waa a ghaa ghə.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 2:19

N moʼlə nə̀ n daʼa kə Mûkəbii Yeso, mə î kuʼlə tûm bənu Timoti n səə ghaa, fə̀ŋ zuŋ i nyaʼi kay tsu abə mə i zownə nghee ghaa loʼ nə tii.

Kolose 1:1

À màʼlə kən tɔ̀ɔ bə mə Pɔl, ngəd ə Yeso Klisto wən Zə̀ kə â say kɔʼnə. N màlə kən tɔ̀ɔ bə nə n loʼ dzəŋi ghi waazə ə saa Timoti.

1 Tesalonika 1:1

À maʼlə kən tɔ̀ɔ bə mə Pɔl. N tɔ̀ɔ dzəŋi ghi Silas nsə Timoti. Ghey tɔ̀ɔ bə tə̀ dzûmə tə Klisto tey n naʼ i Tesalonika. Ghaa loʼ ghə̂ a Kəzə̀, tə loʼnə Bày saa, loʼ soʼo bày tə̀ Mûkəbii Yeso Klisto. Ghey gɔŋŋə nə̀ Zə̀ kə mə̂ dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

2 Tesalonika 1:1

À màʼlə kən tɔ̀ɔ bə Pɔl, Silas nsə Timoti tə dzəŋi u dzûmə tə Klisto tə n naʼ i Tesalonika ghən ghə bəghəm nə tə Zə̀ kə tə loʼ Bày saa nsə Mûkəbii Yeso Klisto.

1 Timoti 1:18

N waa, Timoti, n ghəə ghən dza bə tə wɔ n təŋkey a bəghəm dzəŋi ghi ghəə ghey wù tûm Kəzə̀ â naʼa naŋanə kuum wɔ, sey nə̀ wə i loʼ ni ney ghɔɔmə i tii zə, wə təm zə̂ ghə̂ ghey ghə diinə ghəə a badla ghə.

1 Timoti 1:2

N màʼlə kən tɔ̀ɔ bə tə wɔ a Timoti, wə ndzəm loʼnə tə a loʼ waa wuŋ n təŋkey saa dzəŋi bəghəm tə Klisto. N gɔŋŋə nə̀ Zə̀ kə, tə loʼnə Bày saa nsə Yeso Klisto tə loʼnə mûkəbii saa, dii wɔ n ndzuŋ, tə dii wɔ n sî i kwɔɔlə zə, tə ghəŋə soʼo nə̀ wə i muu nə ibuulə.

2 Timoti 1:2

N màʼlə kən tɔ̀ɔ bə tə wɔ a Timoti, wə loʼnə waa wuŋ u tsuʼu wə. N gɔŋŋə nə̀ Zə̀ kə, tə loʼnə Bày saa nsə Yeso Klisto, tə loʼnə Mûkəbii saa, fuu wɔ n daʼa kə, tə keeli fə̀ŋ i dzuŋu zə n kow wɔ, tə ghəŋə soʼo nə̀ wə i muu nə ibuulə.

2 Timoti 1:5

N moʼlənu nghee wə ndzəm bəghəmnə tii n kow Klisto ighələ tə này này wə Lɔys nsə này wə Yunis a khənə. N khə nə̀ wə bɔɔmə khə soʼo bəghəm i fə̀ŋ zey ghə â khənə.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

Filemun 1:1

À màʼlə kən tɔ̀ɔ bə mə Pɔl. N loʼ wù ndaw tsaʼ bòʼ fwaʼ kən n fwaʼa nə tə Yeso Klisto. N maʼlə kən tɔ̀ɔ bə ghi waazə ə saa Timoti. Ghey tɔ̀ɔ bə tə wɔ a Filemun, wə loʼ fə̂ ə ghey u dzuŋu wə, wə fwaʼa dzəŋinə ghi ghey.

Hibru 13:23

N ləghə nə̀ ghaa keeli tsu nə̀ waazə ə saa Timoti n shi n ndaw tsaʼ, abə i loʼ nə̀ tə kuʼlə bənu, mə i dzəŋi bə ghi wi ni bə koʼ ghaa.